АНАЛИЗИ

Ангела Меркел синоќа со телефонски повик спречила војна меѓу Грција и Турција

Спорот околу морската зона околу островот Мегисти (на грчки Кастелоризо) достигнаа ескалациска точка синоќа (22 јули). Германскиот печат пишува дека „Ангела Меркел успеала да спречи вооружен конфликт во последен момент“.

Во вторникот вечерта се случил конфликт меѓу Грција и Турција во Средоземното море околу малиот остров Мегисти (на грчки Кастелоризо). Телефонскиот повик на Ангела Меркел ја спречи војната – „буквално во последен момент“, пишува германскиот таблоид „Билд“.

Билд понатаму наведува дека причина за конфликтот се пробни дупчења во потрага по нафта и гас што Турција ги спроведува во непосредна близина на грчките острови, во зоната која Грција ја смета за „ексклузивна економска зона“ (ЕЕЗ). Станува збор за „морско подрачје од 200 наутички милји околу овој остров “, пренесува Дојче веле.

Германскиот најтиражен весник исто така дознава дека „поради тоа, 18 турски воени бродови во вторникот навечер биле на пат кон островот Мегисти“.

Билд исто така наведува дека Грција ја ставила својата армија во состојба на целосна борбена готовност.

– Но, тогаш се вклучи германската канцеларка Ангела Меркел. Таа најпрво телефонираше на турскиот претседател Реџеп Таип Ердоган, а потоа и на грчкиот премиер Киријакос Мицотакис. Резултат: Турција ги повлече своите 16 воени бродови, но остави две во близина на островот. Сепак, тоа предизвика „олеснување од обете страни на Егејското Море!“ – потенцира Билд.

Сепак, Берлински Тагесшпигел пишува дека е малку веројатно дека ќе има пресврт во спорот околу природните ресурси. Весникот објаснува:„Двете страни веруваат дека се во право. Притоа, тие се повикуваат на разни конвенции и одредби во рамките на поморското право. Двете земји треба да видат дека е неопходна јасна пресуда од независна трета страна. Веднаш треба да контактираат со Меѓународниот суд на правдата или Меѓународниот арбитражен суд. Меркел, ЕУ и НАТО ќе треба да ги убедат своите членки и партнери Турција и Грција. Инаку – се заканува воен конфликт “, кој сега само се одложува, стравува коментаторот на весникот Тагесшпигел.

Франкфуртер Алгемајне Цајтунг го коментира и конфликтот меѓу Грција и Турција во источниот Медитеран и исто така потенцира дека „Ангела Меркел успеала да ги одвлече Атина и Анкара од текот на воената конфронтација во последната минута“. „Но колку тоа ќе држи вода се знае кај Ердоган исто колку и кај Путин. Но, безбедно е да се претпостави дека рускиот претседател со интерес го следи постојаниот конфликт на јужното крило на НАТО“, пишува весникот од Франкфурт.

Зидвест Прес коментираше: „Европа се вклучи во експлозивниот либиски конфликт, така да се каже, на прагот, само кога немаше што да каже. Ако истото се повтори во нејзиниот двор, тогаш таа може да ги обеси своите права за суверенитет на опашката на мачката. Крајно време е за ангажирана дипломатија “, заклучува Зидвест Прес од Улм.

Поврзани вести

Кои се 6-те главни кандидати за вакцина против коронавирусот?

Александар Петровски

Како принцот Чарлс заработува на мртви Британци

Што може да направи Панцир-С1?

Stefanija Kuzmanovska

Супербрзи тестови за Ковид-19: За богатите ново нормално, за сиромашните друга димензија

Влатко Зорба

Ердоган: Геноцидот е најголемата навреда за нашиот народ

user4

Зошто во Русија има помалку заразени со коронавирус од Луксембург?

Stefanija Kuzmanovska