АНАЛИЗИ

Студија: Жените во постменопауза имаат поголема веројатност да развијат потешки симптоми на коронавирус

Неодамнешното истражување покажа дека жените во постменопауза имаат поголема веројатност да развијат потешки симптоми на коронавирус.

Истражувачите од „Кингс колеџ“ во Лондон велат дека нивните откритија сугерираат дека лачењето на естрогенот сè уште обезбедува високо ниво на заштита од ковид.

Имено, тие анализирале податоци од скоро 600.000 жени во Велика Британија кои користат апликација Covid Symptom Study.

Луѓето кои ја имаат апликацијата им пријавиле на научниците како се чувствуваат секој ден, а резултатите покажале дека жените во пост-менопауза имаат 22 проценти поголема веројатност да имаат потешки симптоми отколку жените кои сè уште имале менструација.

Овие жени се со поголема веројатност да бидат хоспитализирани и ќе им треба респираторна поддршка.

Жените во рана менопауза, од друга страна, со помала веројатност ќе ја заболат болеста посериозно, како и оние на комбинирана контрацепциска пилула, бидејќи содржи естроген.

Просечната возраст за достигнување на менопаузата е е 51 година. Постменопаузата е период што се јавува после менопаузата и е поделен на рана (до 70 години) и доцна (по 70 години) постменопауза или сеијум.

Естрогенот е полов хормон кој е одговорен за развој и регулирање на женскиот репродуктивен систем. Нивото на естрогенот паѓа кај жените во менопауза и може да влијае на функционирањето на организмот – вклучително и на имунолошкиот систем.

Ова може да објасни зошто МЕРС, друг вид на коронавирус, претставувала поголема закана за мажите отколку жените.

Поврзани вести

Десет бомбастични тврдења од книгата на Џон Болтон за Трамп

Кои се кандидатите за наследник на Меркел на канцеларската позиција во Германија?

Влатко Зорба

Кривата на коронавирусот во Шведска оди во погрешна насока, стратегијата на земјата пред колапс

Влатко Зорба

Шведска во време на пандемија: Доверба во граѓаните, наместо остри мерки

Влатко Зорба

Може ли интернетот да го издржи вирусот?

Што може да направи Панцир-С1?

Stefanija Kuzmanovska