АНАЛИЗИ

Зошто во Русија има помалку заразени со коронавирус од Луксембург?

Рускиот претседател Владимир Путин изјави дека неговата земја успеала да го спречи масовното ширење на коронавирусот благодарение на раните и агресивни мерки.

Си-ен-ен се прашува: Дали Русија го држи под контрола коронавирусот?

Според информациите објавени во јавноста, се чини дека стратегијата на Путин функционира.

Бројот на потврдени случаи на коронавирусот во Русија е изненадувачки мал, и покрај тоа што Русија има многу долга граница со Кина и го забележа првиот случај на зараза уште во јануари.

Бројот на заразени се зголемува, но Русија, земја со 146 милиони луѓе, има помалку потврдени случаи на коронавирус од Луксембург – заразени се само 367 лица.

Спротивно на тоа, Луксембург кој има 628.000 жители, има 798 случаи на коронавирус и осум смртни случаи.

Руските мерки за навремено реагирање, како што се затворање на границата во доина од 2.600 километри со Кина уште на 30 јануари и воспоставување карантинска зона, можеби придонесоа за одложување на избивање на епидемијата во полн ек, наведуваат експерти.

Но тоа не значи дека немаше „дупки“ во руската одбрана.

Русија не започна веднаш да ги тестира оние што доаѓаат од Италија или другите тешко погодени земји на ЕУ, ограничувајќи ја контролата врз луѓето кои доаѓаат од Европа со мерење на температурата и воведување на двонеделни карантини.

Според здравствените работници, повеќето случаи на коронавирус пријавени во Русија дошле од Италија.

Поврзани вести

Короната не ги штеди ниту младите: Изложени се на засилен ризик од тежок облик на Ковид-19

Балконска полиција: Луѓето ширум Европа масовно ги пријавуваат своите комшии

Дојче Веле: Детали без цензура, што пишува во документите на тајните служби за корона!

Цели 2 години светот бил под маски: Погледнете како се живеело 1917 година

Марија Колесникова – со насмевка против Лукашенко

Александар Петровски

Како загадувањето на воздухот го влошува коронавирусот: Штетните честички ја зголемуваат смртноста