Компании и пазар

Анѓушев: Мора да внимаваме како ќе ја обезбедиме електричната енергија во нашата држава (ВИДЕО)

Заменик претседателот на Владата задолжен за економски прашања Кочо Анѓушев, се обрати на меѓународниот саем и конференција за обновливи извори на енергија, енергетска ефикасност, вода и заштита на животната средина RENEXPO®, во организација на REECO International, а во соработка со амбасадата на Сојузна Република Германија.

Анѓушев на свеченото отворање на манифестацијата истакна дека Владата на Република Северна Македонија е посветена на унапредување на енергетското живееење во земјата, со особен фокус на зголемувањето на производството на електрична енергија од обновливи извори.

Законот за енергетика донесен во мај 2018 година и предлог Стратегијата за енергетика изработена од МАНУ и Прајсватерхаус Куперс (PwC), даваат големи можности за инвестиции во обновливи извори на енергија, додаде вицепремиерот.

„Нашата држава не е богата со енергетски ресурси, нема гас, нема нафта, а за жал не изобилуваме ни со резерви на јаглен. Може во иднина да се отвори рудникот Живојно и тоа е се што ни е познато како резерва. Но тоа нема да овозможи континуирано производство во трите блока на РЕК Битола и може да обезбеди само лимитирано производство. Затоа мора да внимаваме како ќе ја обезбедиме електричната енергија во нашата држава. Јасно е дека немаме алтернативи и дека единствената алтернатива се обновливите извори на енергија, особено во делот на сонцето, ги имаме во изобилие. Во делот на малите хидро електрани, еден добар дел од нив е веќе изграден, точно 72 се пуштени во функција, а во градба се околу 30, но мали хидро електрани може да правиме колку што имаме реки и планини, а тука сме географски ограничени. Тука е и ХЕЦ Чебрен, како голем капацитет, за кој до крај на годината ќе се објави тендерската постапка во претквалификација“, изјави Анѓушев.

Поврзани вести

Кодекс на однесување на виски фестивали

Влатко Зорба

Балкански медиуми: Во Северна Македонија ќе се гради 100 мегаватна фотоволтаична електрана

Никола Поповски

Давос: Мнозинството граѓани сакаат владите да преземат мерки за да се намалат стапките на пушење

Влатко Зорба

Шефицата на Bet365 со најголема плата во Велика Британија – заработила 323 милиони фунти во 2019 година

Влатко Зорба

„Фејсбук“ казнет во Унгарија со четири милиони долари

Влатко Зорба

Почина долгогодишниот директор на НЛБ, Љубе Рајевски

Влатко Зорба