СТАНДАРД life
КОМПАНИИ

Дали женските лидери се поуспешни од мажите во време на корона?

Некои студии истражуваа дали земјите управувани од жени подобро се справиле со пандемијата за време на оваа криза. Се покажа дека ова тврдење не е далеку од вистината, пишува „БизнисИнфо“.

На чело на Нов Зеланд е премиерката Џасинда Ардерн, канцеларката Ангела Меркел е одговорна во Германија, а Цај Инг-Вен е претседателка на Тајван. Се покажа дека овие лидерки добро ги водеа своите земји за време на кризниот период, а потоа BBC реши да ја анализира состојбата во деловниот свет: што велат директорите на големите компании?

Авива Вајтенберг-Кокс управува со консултантската компанија 20-First и вели дека, според нејзиното искуство, многу машки лидери се обиделе да го “копираат“ планот и програмата на нивните колеги. Ова, меѓу другото, значи дека за време на короната, тие дополнително ги подобруваа своите комуникациски вештини.

Сара Биал е извршна директорка на градежната компанија Training Board. За време на првиот карантин, компанијата обезбеди финансиска поддршка на 12.000 вработени во својата организација и дозволи замрзнување на плаќањата на сметките на компаниите со кои работат.

На чело на Chartered Management Institute се наоѓа Ен Френки. Овој институт нуди обуки за менаџери. Таа вели дека оваа пандемија направила сè повеќе шефови да “попуштат“ кога станува збор за флексибилно работно време, за кое таа се залага со години.

На почетокот на пандемијата на жените со деца воопшто не им беше лесно. Сега, вели Кејт Стивенс од компанијата AxiCom, сосема е нормално да видите колешка која води онлајн состанок и држи дете во раце.

Ивон Васенар, од американската технолошка компанија Puppet се согласува дека женските лидери се поотворени. Тој вели дека клучот за напредок е луѓето да ги покажат своите слабости. Според нејзиното искуство, овој вид отвореност е почест кај жените.

Поврзани вести

Бројот на невработени во ЕУ е зголемен за скоро 2 милиони за една година

Влатко Зорба

Продажбата на автомобили во ЕУ ќе биде за 25 проценти помала оваа година

msp-admin

Халкбанк со поддршка од матичната банка од Турција го зголеми капиталот за нови 20 милиони евра

msp-admin