Компании и пазар

„Јагуар Ленд Ровер“ отпушта 1.100 лица

Најголемиот британски производител на автомобили, „Јагуар Ленд Ровер“, ќе мора да отпушти 1.100 работници за да ги преживее последиците од пандемијата на коронавирус.

Компанијата ќе го намали персоналот низ Велика Британија, како дел од „програмата за трансформација“.

„Преку својата тековна програма за трансформација, „Јагуар Ленд Ровер“ презема чекори за да ги оптимизира перформансите и да постигне понатамошна оперативна ефикасност за да овозможи одржлив раст и зачувување на долгорочен деловен успех“, рече портпаролот на компанијата.

„Поради пандемијата од коронавирус, компанијата донесе тешка одлука да го намали бројот на вработени во наредните месеци“, се вели во соопштението на компанијата.

Кратењето на работните места ќе започнат во производствените капацитети на „Јагуар Ленд Ровер“ низ Велика Британија и овој процес ќе трае од крајот на јули до крајот на годината.

Групата има работна сила во Велика Британија од околу 32.000 луѓе, пренесе „Sky News“.

Во претходните недели, други британски производители, како „Бентли“ и „Астон Мартин“, мораа да го намалат бројот на вработени за да ги преживеат економските последици од пандемијата.

Поврзани вести

Huawei ги претстави бизнис резултатите за третиот квартал од 2019 година

user4

Потпишан договор за изградба на фотоволтаична електрана во РЕК Осломеј

Влатко Зорба

Во пензија скоро 27 години – Во овие држави најдолго траат пензионерските денови

Stefanija Kuzmanovska

Секој седми нов автомобил ќе биде електричен во 2024 година

Влатко Зорба

Трамп застана на страната на Маск: „Тесла“ мора веднаш да започне со работа!

Зошто Мicrosoft им препорача на 400 милиони корисници да си купат нов компјутер?

Влатко Зорба