Компании и пазар

Методија Мирчев назначен за нов извршен директор на А1 Македонија

Методија Мирчев е назначен за нов извршен директор на А1 Македонија. Од, компанијата соопштуваат дека тој од денеска ги презема одговрностите на извршната позиција и ќе го наследи Мислав Галер, кој одлучи да ја продолжи својата кариера надвор од компанијата и Кластерот Македонија и Хрватска.

Методија Мирчев доаѓа на оваа позиција со огромно знаење и стекнато искуство во различни области во мултинационални компании. Тој ја започнува својата кариера во FMCG индустријата во Полска извршувајќи раководни позиции во неколку интернационални компании. Пред да премине во телеком индустријата, тој имал извршна позиција во L’Oréal Полска.

Како Директор за продажба и Главен комерцијален директор во телекомуникациската компанија Космофон, Методија покажува врвни лидерски способности за кои е потребно огромно познавање на технологијата во бизнис работењето, како во B2B така и во B2C сегментот. Во 2011 година Методија ја продолжува кариерата на позицијата Главен директор за продажба и маркетинг во ОНЕ – Телеком Словенија Групацијата по која бил унапреден во извршен член на Бордот на директори на ОНЕ и ја извршува функцијата главен оперативен директор.

Методија дипломирал на Варшавскиот технолошки универзитет, магистрирал на Лондонската и Париската бизнис школа, како и Норвешката школа за економија.

Поврзани вести

Бритиш Американ Тобако работи на потенцијална вакцина за КОВИД-19

Влатко Зорба

Копач: Верувам дека независната РКЕ донела правилна одлука за поскапување на струјата

Влатко Зорба

По протерувањето на Карлос Гон – Нисан и Рено се соочуваат со крах на берзата

Влатко Зорба

Туристичките водичи останаа без приходи и помош

Влатко Зорба

Колку трансакциски сметки се блокирани минатата година?

Huawei руши рекорди и покрај санкциите на САД

Maja_Serafimova