Компании и пазар

НЛБ Банка донираше 50 илјади евра за поддршка на МЗ и Инфективна

НЛБ Банка ад Скопје реализираше донација од 50 илјади евра, како првична парична помош за поддршка во напорите на надлежните институции во справување со состојбата со Ковид -19.

-Дел од средствата од донацијата, односно 20.000 евра се искористени за набавка на медицински кревети за ЈЗУ Универзитетска клиника за инфективни болести и фебрилни состојби во Скопје со цел опремување на полуинтензивната нега и зголемување на капацитетот на пациенти кои може да бидат третирани за време на борбата со пандемијата. Останатите 30.000 евра се наменети за отворената донаторската сметка на Министерството за здравство како директна финансиска помош за набавка на стоки, добра и услуги кои се потребни за заштита на населението од коронавирусот, соопшти денеска НЛБ Банка ад Скопје.

Преку оваа финансиска помош, како што истакнуваат од банката, ќе дадат придонес заеднички побрзо и полесно да се надмине една од најголемите светски здравствени кризи, како и да им се олесни на медицинските работници да ги извршуваат своите задачи.

-Општествената одговорност на компаниите и воопшто на поединците во услови на пандемија се исклучително важни. Како општествено одговорна компанија имаме за цел да одговориме на предизвиците кои ни ги наметна оваа пандемија и да го олесниме справувањето со последиците од истата. Преку оваа финансиска помош даваме мал придонес и помагаме на оние на кои им е најпотребно. Ние сме Банка чие срце и разум се тука заедно со Вас и затоа ќе сториме сè што е во наша моќ, со заеднички напори да се справиме со оваа ситуација. Во ова сме сите заедно и борбата е заедничка, велат од НЛБ Банка.

Поврзани вести

„Виз Ер“ на 1 и 2 јули ги отвора аеродромите во Скопје и Охрид

Влатко Зорба

Доделена е првата транша од евтини кредити од 50 милиони евра од Развојна банка

Влатко Зорба

Без консултации мерките постојано непотребно се менуваат и креираат забуни

Stefanija Kuzmanovska

Постои голема потреба за финансиска инклузија во земјата, загрижува нивото на финансиска писменост

Влатко Зорба

Хоби што може да донесе голема заработувачка

Формирано Здружение на грчки бизниси во С. Македонија

Влатко Зорба