Компании и пазар

Парадоксална состојба на пазарот на труд во Австрија

Во Австрија постои парадоксална состојба на пазарот на труд, бидејќи покрај големата невработеност како резултат на кризата со коронавирусот, на многу компании им недостига потребната работна сила.

Во моментов во Австрија има повеќе од 410.000 невработени, а претседателот на Австриската стопанска комора, Харалд Марер очекува овој месец тој број да се зголеми за уште 80.000.

Покрај тоа, 400.000 луѓе работат со скратено работно време.

“И покрај зголемената невработеност, многу компании не можат да најдат работна сила“, рече Марер и додаде дека причината за тоа е што оние што бараат работа не се таму каде што има работа.

Само во ИТ секторот, создадени се 20.000 работни места, а во услужните дејности недостига квалификувана работна сила, на пример, 1.300 инсталатери.

За да се спречи невработеноста да остане висока, Стопанската комора бара мерки од Владата, социјалните партнери и Службата за вработување.

“Квалификацијата е приоритет. Корона кризата го отвори патот за дигитализација и образованието треба да го следи тој правец“, рече генералниот секретар на Комората, Карлхајнц Копф.

Тој посочи дека занаетчиството се покажало како “поотпорно“ на кризата и дека занаетчиите наоѓаат работа полесно отколку луѓето со универзитетско образование.

Поврзани вести

Amazon со добивка од 5,2 милијарди долари за 3 месеци

Влатко Зорба

Македонски пошти – неуспешна приказна од која сите мијат раце

Влатко Зорба

Tesla продаде повеќе автомобили во 2019 година отколку претходните две комбинирани

Влатко Зорба

Во Кина: Телефоните со копчиња побарани од 5G смартфоните

Влатко Зорба

Побарувачката на Кнауф производите е во постојан раст насекаде во светот

Влатко Зорба

На овие седум македонски компании добивката им се мери во милијарди

Stefanija Kuzmanovska