Компании и пазар

Преполовен профитот на најголемата нафтена компанија во светот

Нафтениот гигант „Сауди Арамко“ забележал пад на нето-добивката од 50 проценти во првата половина на финансиската година, како одраз на погубното влијание на пандемијата на нафтените пазари.

Во изјавата објавена во неделата, компанијата изјави дека нето добивката во првите шест месеци од годината се спушти на 23,2 милијарди долари, што е за половина помалку од 46,9 милијарди долари од истиот период во 2019 година.

Најголемото државно нафтено претпријатие и најголемиот светски производител на нафта задржа дивиденда од 18,75 милијарди американски долари во вториот квартал, велејќи дека ќе биде исплатена во третиот квартал. Дивиденда од иста сума од првиот квартал е платена во вториот квартал.

Вкупниот проток на пари на компанијата беше 21,1 милијарди американски долари во првото полугодие, што е намалување од 38 милијарди американски долари претходната година.

Овие резултати дојдоа една недела откако „Арамко“ ја отстапи титулата најголема светска компанија по пазарна капитализација на американски „Епл“.

Финансиските резултати за вториот квартал одразуваат најголем шок на глобалните пазари на енергија во последните неколку децении.

Намалената побарувачка и пониските цени на нафтата влијаеја на резултатите од вториот квартал, изјави претседателот на „Арамко“ и извршен директор – Амин Насер.

Поврзани вести

Што е најбитно во стратегијата за опоравување на хотелите?

Влатко Зорба

На Безос му порачале да го продаде бизнисот: Нема да успееш!

Влатко Зорба

„Твитер“ заинтересиран за купување на „ТикТок“

Влатко Зорба

Клуч на врата за 90.000 компании во Италија

Влатко Зорба

Индустриска комора: Усогласување на царинскиот тарифник со ЕУ

Влатко Зорба

Foxconn ќе произведе 50 милиони 5G смартфони за Huawei

Влатко Зорба