Во 2019 година Tesla продаде 367.500 автомобили, што претставува нов рекорд за компанијата. Иако ова е пониско од проценките што Tesla ги направи на почетокот на оваа година, компанијата на Елон Маск сепак продаде повеќе автомобили за една година отколку во претходните две години комбинирано. Популарноста на пристапниот Model 3 имаглавна заслуга за ова.
Севкупно, 2019 година е силна за Tesla. Компанијата промовираше два нови прототипи – компактниот SUV Model Y и солидниот Cybertruck, соодветно. Покрај тоа, Tesla конечно отвори фабрика во Кина, со која ќе се намалат трошоците за испорака и тарифите за увоз со правење автомобили директно во земјата.
Во исто време, минатата година донесе некои превирања за Tesla. Компанијата започна со 702 милиони долари во загуби во првиот квартал, како и со помала продажба на Model 3 во првата половина од годината.
Во текот на првото полугодие, акциите на Tesla паѓаа стабилно, достигнувајќи 170 долари – најниско ниво во последните три години. После тоа, сепак, компанијата се подобри и заврши со цена над 400 американски долари по акција, што е најголема досега вредност.
Новата година ќе биде важна година за Tesla, a клучно ќе биде претставувањето во Кина, што е најголем пазар на е-автомобили во светот.