Компании и пазар

Тежок удар за рекламниот сектор поради коронавирусот

Откажувањето на големи спортски настани и пропаст на бројни компании во секторите на луксузна стока, забава и туризам дадоа тежок удар во глобалниот рекламен сектор, пишува Бизнис Инфо.

Оваа година беше ветувачка поради Европското првенство во фудбал, Олимписките игри во Токио и претседателските избори во САД, а сега изгледа дека би можело да биде меѓу најлошите за рекламните гиганти.

Извршните директори на рекламни компании велат дека клиентите ги прекинуваат кампањите, откажуваат фотосесии за списанија, а големите брендови ги намалуваат трошоците за заштеда на пари бидејќи епидемијата ги смени приоритетите на потрошувачите.

“Ова е многу ненадеен, директен и значаен удар врз приходите и балансот. Многумина ќе се најдат свртени кон ѕидот. Клиентите откажуваат во сите медиумски агенции низ целиот свет“, рече извршниот директор и основач на LONDON, Мајкл Мозински.

Ненадејното повлекување на голем дел од вкупно 600 милијарди долари за реклами што преку агенциите се сливаат на медиумските платформи како Facebook, Google и во телевизиските куќи, списанијата и билбордите ќе се чувствува далеку и широко.

Во Европа телевизиските куќи, како што се германската RTL и британската ITV, беа погодени од повлекување на големи огласувачи, како оператори за крстарење и авиокомпании. Рекламирањето на отворено бележи пад во светот бидејќи потрошувачите остануваат дома.

Поврзани вести

Бројот на невработени во Германија може да ја надмине границата од 3 милиони

Влатко Зорба

Турција може да остане без нови Android смартфони

Влатко Зорба

Градежните компании ќе инвестираат 1 милијарда евра ако им се овозможи непречено да работат

Влатко Зорба

Фејсбук изгуби 53 милијарди долари во вредност по најавените промени во политиката

Влатко Зорба

Нова бензинска станица со брендот ОКТА отворена во Скопје (ФОТО)

Влатко Зорба

Горивата од полноќ добиваат повисоки цени од еден до 1,50 денари

Влатко Зорба