Компании и пазар

Туристичкиот промет во Германија намален за половина како резултат на короната

Германскиот туризам претрпе големи загуби поради пандемијата на коронавирусот и во првата половина од оваа година бројот на ноќевања е скоро преполовена, објави во понеделникот германскиот завод за статистика во Визбаден.

„Во првите шест месеци од оваа година се регистрирани 117,5 милиони ноќевања, што е за 47,1 процент помалку отколку во истиот период минатата година“, соопшти Централниот завод за статистика.

Бројот на ноќевања на домашните туристи е намален за 44 проценти, а странските туристи за дури 60%.

Ситуацијата, како што е соопштено од Заводот за статистика, не се подобрила дури во јуни, кога стапи во сила олеснувањето на мерките за борба против коронавирусот и кога повторно беше дозволен туристички сообраќај.

Во јуни имало 29,5 милиони ноќевања во Германија, што е за 41,7 проценти помалку во однос на истиот период минатата година. Во исто време, забележани се 79 проценти помалку гости од странство.

Падот на бројот на туристи од странство особено ги погоди хотелиерите од градовите, кои најголемиот дел од ноќите ги остваруваат преку гости на саеми и конгреси, што дополнително се одложуваа.

Поради зголемениот број на нови инфекции во Германија, гостопримството и хотелскиот сектор не очекуваат брзо закрепнување и враќање во претходната состојба.

Економскиот институт Ifo во Минхен ги објави резултатите од истражувањето меѓу германските претприемачи, според кое членовите на секторот за туризам особено очекуваат подолго намалување на сообраќајот како резултат на кризата со короната.

„Пред се компаниите во угостителството и хотелскиот сектор очекуваат ограничувања за следните 13 месеци“, велат од Институтот Ifo.

Поврзани вести

САД имаат ограничени можности да одговорат на Huawei во 5G битката

Влатко Зорба

Петров: Компаниите да ја искористат мерката за поддршка од 14.500 денари по вработен

Влатко Зорба

Кнауф во Македонија – 25 години регионален лидер во производство на материјали и системи за градба

Влатко Зорба

Состојбата на Маск порасна за 1.7 милијарди долари

Влатко Зорба

Која европска земја е најголем извозник на злато во светот?

Влатко Зорба

За што најмногу се жалат македонските потрошувачи?

Влатко Зорба