СТАНДАРД life
КОМПАНИИ

Xiaomi со поголем потенцијал за раст од Amazon и Tesla

Производителот на паметни телефони и електроника Xiaomi има многу висок потенцијал за долгорочен раст, според ажурираната листа на Fortune Future 50, подготвен од консултантската фирма BCG.

Fortune Future 50 можеби не е толку позната како Fortune 500, но за инвеститорите е уште поважна. Вклучува компании со најголем потенцијал за долгорочен раст – односно, ако инвестирате во акции во компанија на Future 50, голема е веројатноста да заработите добри пари.

Со оглед на активноста на Xiaomi во различни ниши и нејзината флексибилност, не е изненадувачки што компанијата беше вклучена во списокот Future 50. Xiaomi не само што се најде на списокот, туку и буквално „растури“!

Минатата година Xiaomi воопшто не се рангираше, а сега е на седмото место во неа, оставајќи зад себе многу поистакнати компании. Меѓу нив се Alibaba Group Holding (11-то место), Tencent Holdings (12), Twitter (13), Alphabet (18), Adobe (25), Nvidia (26), Amazon (31), Visa (43), Tesla (48) и Facebook (49).

Рејтингот на компаниите Fortune Future 50 се заснова врз нивниот пазарен потенцијал (тежина 30%) и можностите за реализација на овој потенцијал (70%). Втората компонента вклучува 19 фактори од четири главни категории: стратегија, технологија и инвестиции, вработени и структура на компанијата. Се прави севкупна проценка за сите фактори. За Xiaomi е 3, додека за Nvidia, на пример, е 1,7.

Поврзани вести

Пандемијата за прв пат не е најголем ризик за инвеститорите

Влатко Зорба

Бафет ја напушти фондацијата „Бил и Мелинда Гејтс“

Влатко Зорба

Tesla сече шума за да гради „гигафабрика“ во близина на Берлин

msp-admin