СТАНДАРД life
КОМПАНИИ

Жито Лукс со донација за Црвен крст го одбележува Светскиот ден за борба против гладот

Со донација на свои производи на Црвениот крст Скопје, Жито Лукс го одбележува Светскиот ден за борба против гладот. Компанијата донира производи од своето портфолио, лебови, колачи и брашно за ранливите групи и семејствата што се наоѓаат во неповолна социјална состојба. Донираните производи ќе бидат распределени преку мрежата на канцеларијата на Црвениот крст.

“Социјално загрозените семејства се редовно во фокусот на нашата општествено одговорна ангажираност. Наоѓаме начини и средства колку што може повеќе да помогнеме и да предизвикаме позитивна промена во секојдневието на овие семејства. Но недостатокот од средства за живот е реален проблем за многу од нив, и нашата цел е преку донации да бидеме дел од активната борба против гладот и посветеноста кон подобрување на квалитетот на животот на многу македонски семејства. Сакаме да веруваме дека и со оваа донација, со секоја претходна и со секоја следна, даваме позитивен придонес за општеството како целина”, велат од Жито Лукс.

Жито Лукс како компанијата постојано е активна со своите општествено одговорни активности насочени кон помагање на семејства, на институции од здравствениот и образовниот сектор, но исто така и со подигање на свеста за потребата од поактивно вклучување на компаниите и граѓаните во вакви слични иницијативи.

Поврзани вести

Халкбанк со поддршка од матичната банка од Турција го зголеми капиталот за нови 20 милиони евра

msp-admin

Скопски Центар е општина со најмногу микро, мали и средни компании во земјава

msp-admin

Мicrosoft влегува во бизнисот со бесплатно хостирање на веб-страници

Влатко Зорба