Измамниците испраќаат 18 милиони мејлови со лажни информации за КОВИД-19 на корисниците на Gmail секој ден, објави Google.
Гигантот вели дека пандемијата довела до експлозија на компјутерски напади, во кои криминалците се обидуваат да ги измамат потрошувачите во откривањето на личните информации.
Компанијата соопшти дека блокирака повеќе од 100 милиони мејлови на ден. Минатата недела, скоро една петтина биле лажни пораки поврзани со коронавирусот.
ИТ компаниите велат дека вирусот може да биде најголемата „заразна“ тема досега.
Gmail на Google го користат 1,5 милијарди луѓе.
На луѓето им се испраќаат разна е-пошта што се претставуваат како информации од Светската здравствена организација (СЗО) во обид да ги убедат жртвите да преземаат софтвер или да донираат од лажни причини, пренесува Би-Би-Си.
Интернет-криминалците, исто така, се обидуваат да извлечат корист од пакетите за поддршка од владата, имитирајќи ги јавните институции.
Google тврди дека неговите алатки се во можност да блокираат повеќе од 99.9% од мејловите да не стигнат до своите корисници.
Порастот на лажни вести за коронавирус е пријавен од повеќе компании за компјутерска безбедност.
„Barracuda Networks“ соопшти дека забележала зголемување од 667% на малициозни пораки за време на пандемијата.
Измамниците испраќаат лажни пораки и текстуални пораки во кои се тврди дека се од владата на Велика Британија, СЗО, центрите за контрола и превенција на болести, па дури и индивидуални претставници на САД, вклучително и претседателот Трамп.
„Пандемијата на коронавирус е многу емотивна тема во моментов, а сајбер-криминалците јасно го знаат ова. Тие се надеваат дека нормална личност може да има поголема веројатност да ги следи линковите или да следи лоши инструкции ако ја користи оваа мамка“, вели независниот истражувач за безбедност, Скот Хелм.
Истражувачите пронашле и малициозни веб-страници и апликации за паметни телефони засновани на вистински извори на коронавирус.
Злонамерна апликација за Android тврди дека помага да се следи ширењето на вирусот, но наместо тоа, го заразува телефонот и бара плаќање за да се врати уредот.
Минатата недела, Националниот центар за кибербезбедност и Министерството за внатрешна безбедност на САД одржаа заедничка консултација.
Тие рекоа дека „поголем број злонамерни сајбер актери“ ја користеле сегашната пандемија „КОВИД-19“ за свои цели “.