Забава МАГАЗИН

Џони Деп призна на суд: Ги пробав сите дроги кои му се познати на човек

Адвокатката на Амбер Херд, поранешната сопруга на Џони Деп, го испраша актерот за доста болни теми на судењето што започна денес нешто пред 12 часот.

Таа истакна дека сакала да „започне од самиот почеток“, па затоа започнала да презентира мрачни настани со цел да го претстави Деп во најтемното издание. Сепак, неговите одговори беа неочекувано искрени.

Адвокатката прво го праша Џони за инцидентот кога бил уапсен за напад врз чувар. Џони во тоа време имал 25 години, и тој одговори дека е вистина и дека се случило.
Запрашан за инцидентот од времето кога имал 31 година, кога уништил хотелска просторија, поради што морал да плати скоро 10.000 долари на хотелот. Актерот исто така го призна тоа, но рече дека не се сеќава точно колку била штетата, додавајќи дека станува збор за „неколку вдлабнатини“.

Адвокатката рече дека Деп има „моќ, пари и влијание“, со што тој не се согласува. Потоа призна дека користел дрога и алкохол. Актерот рече на суд дека ја потврдил изјавата од весникот, „Јас пробав секаква дрога до 14-годишна возраст“, ​​а потоа додаде дека пробал „секој вид на дрога што му е позната на човекот“.
– „Имаше опасност да го преминам работ, и можев“ – адвокатката ја цитираше изјавата и го праша Деп дали тоа е веродостојно.

– Во тој момент од мојата младост, да. За време на моето искуство со наркотици и стимуланси, почнав да пијам алкохол уште на рана возраст. Имаше многу непријатности во мојот дом. Мајка ми имаше обичај да ме праша да земам таблети за смирување и тоа го правев, на 11 години. Ова веројатно беше единствениот начин да ја ублажам болката – рече Деп.

Адвокатката го праша дали користел кокаин, МДМА, екстази, канабис и Деп рече дека зел сè што навела, како и лекови на рецепт.

Џони се согласил дека Кит Ричардс е неговиот „модел на пример и пријател“.
На прашањето дали се дрогирал со Мерилин Менсон, Џони рече:

– Да, двапати, долго пред врската со Амбер. Не после 2011 година.

На ова, адвокатката на Амбер Херд рече: „Лажеш“.

Тој призна дека актерот Пол Бетани (49) е негов пријател и дека земале дрога и пиеле заедно. Тој изјавил дека користеле кокаин, алкохол, ксанакс.

Запрашан и за „Вајпер соба“ и на изјавата на адвокатот дека актерот Ривер Феникс починал во неговиот клуб (1993 г.), Деп рече: „Тој почина надвор. Јас не видов кога се случи. Ривер се чувствуваше лошо, излезе од вратата и очигледно се сруши“.

Патем, ова е судење во врска со тврдењето дека Џони Деп ја претепал својата тогашна сопруга Амбер. Деп го тужи познатиот британски таблоид „САН“ и извршниот уредник Ден Вотон, за тврдењето дека актерот се однесувал како „насилно чудовиште“ кон неговата поранешна сопруга, за време на нивниот проблематичен двогодишен брак.

Поврзани вести

Ја нарекуваат најсекси новинарка на Балканот: Вака изгледаше Фани Стипковиќ пред 15 години

Stefanija Kuzmanovska

Што се случува со изгледот на Бекам? (ФОТО)

Фановите го критикуваат Канје бидејќи се однесувал лошо кон сопругата

Кристина Денесовска

Новите фотографии на Адел предизвикаа расправика на Твитер

Емир Хаџихафизбеговиќ прозборе за здравствената голгота низ која помина

Влатко Зорба

Како реагираат младите доколку им го одземете телефонот