Забава МАГАЗИН

Почина Ѓорѓи Желчески, легендата на народните песни

Утрово во Белград починал Ѓорѓи Желчески, дел од дуото Селимова-Желчески, кои се вистински икони на македонската и балканската сцена.

Ѓорѓи Желчески е роден во Прилеп во 1938 година. Желчески е оженет со пејачката Кевсер Селимова со која живее во Белград, а летните месеци ги поминуваат во нивнот апартман на полуостровот Истра, во Хрватска. Селимова и Желчески имаат едно дете – ќерката Ана, родена во 1980 година, во Белград, од која го имаат внукот Ерол, роден во 2012 година.

Желчески и Селимова се запознале на еден концерт во Титово Ужице, во 1959 година, каде Селимова настапила со “КУД Орце Николов”, а програмата ја најавувал Желчески. Во тоа време, Желчески настапувал заедно со Никола Бадев, Анка Гиева и Верица Исјановска. За време на една голема турнеја, Исјановска се вљубила и решила да остане во Шабац, така што Желчески морал да бара друга партнерка за пеење во дует. Разговарајќи со својот менаџер, тој се сетил на средбата со Селимова, која во 1961 година му се придружила, пеејќи во дует со него. Со текот на времето, нивната популарност растела, но Македонија станала претесна за нивните амбиции. По една голема турнеја на Желчески низ Македонија, која вклучувала настапи во Ресен, (Титов) Велес, Штип, Струмица, Охрид, Кичево, Струга итн., „РТВ Белград“ побарала пејач од Македонија и Желчески заминал во Белград. Таму, тој одржал концерт во Домот на синдикатот и постигнал голем успех, така што започнале да пристигнуваат други понуди и тој решил да остане во Белград.

Дуетот Селимова-Желчески е најпознат по нивната изведба на народните песни: „Елено, ќерко“, „Бело лице љубам јас“, „Врати ми се, љуби ме“, „Брала мома капини“ итн. На 15 ноември 2013 година, Селимова и Желчески одржале концерт во Домот на АРМ, во Скопје, со кој го одбележале јубилејот – пет децении творештво.

Пријателите и соработниците на Желчески веќе се простуваат од него преку социјалните мрежи.

Поврзани вести

Дали спасот за планетата е луѓето да престанат да се размножуваат?

Кристина Денесовска

Овошје со најмалку шеќер и најмногу антиоксиданси

Кристина Денесовска

На Принцот Хари му недостасува семејството, титулата и неговите кралски обврски!

По шокантниот документарец, нови потреси во британското кралско семејство: Хари и Меган се селат во Америка

user2

Идеални вежби за вас според крвната група

Елена Даскалова

Моќен лек од природата: пченична трева за здрава и млада коса

user2