Забава

Кралицата Елизабета го поништи витешкото одликување за Вајнстин

Британската кралица Елизабета официјално го поништи витешкото одликување за Харви Вајнстин, откако беше осуден за сексуален напад на асистент и силување на актерка. Вајнстин (68) отслужува 23-годишна затворска казна во државата Њујорк откако беше осуден на 24 февруари. Вајнстин ја обжали пресудата.

Кралицата нареди веднаш да се откаже и поништи одликувањето на Вајнстин за „почесен командант на граѓанскиот огранок на највисокиот поредок на Британската империја“, од 2004 година, се наведува во соопштението.

Некогаш еден од најмоќните продуценти во Холивуд беше прогласен за виновен за сексуален напад врз поранешната асистентка Мими Хејли во 2006 година и за силување на Џесика Ман, поранешна актерка, во 2013 година.

Повеќе од 80 жени, меѓу кои и познати актерки, го обвинија за сексуално вознемирување извршено во последните децении. Тој ги отфрла сите обвинувања и тврди дека жените се согласиле да имаат секс со него.

Обвинителите го претставија за време на судењето како сериски предатор кој манипулирал со жени ветувајќи им дека ќе им ја отвори вратата кон светот на филмот, привлекувајќи ги во хотелски соби и приватни апартмани каде потоа ќе ги напаѓал.

Ман рече дека тој е како „д-р Џекил и господин Хајд“, шармантен во јавноста, но често страшно лут кога биле сами.

Вајнстин е обвинет за сексуални напади и во Калифорнија, а десетици жени поднеле граѓански тужби против него.

Поврзани вести

Ен Хатавеј го откри името на своето второ синче

Принцезата Беатрис ќе се мажи во мај, а на венчавката нема да има подароци

Кристина Денесовска

Светски ѕвезди со највисок IQ

user2

Роби Вилијамс откри дека Камерон Дијаз е најзаслужна што се оженил: „Таа ми ги отвори очите“

Влатко Зорба

„Игра на тронови“ ќе добие свое продолжение

Хари и Меган ги вратија парите искористени за обнова на куќата

Влатко Зорба