МАКЕДОНИЈА

Адеми: Не ги користев соседите неалбанци кога се борев за правата на Албанците

Бев многу изненаден кога видов дека толку конзервативна партија како ВМРО-ДПМНЕ поднесе предлог за технички министер за труд и социјална политика Еврејка, си реков ова е позитивен сигнал. Вака пратеникот на ДУИ, Џеват Адеми ја почна својата реплика на седницата за разрешување на техничката министерка, Рашела Мизрахи.

„Кога јас се борев за правата на Албанците, не се борев користејќи ги соседите неалбанци. Јас самиот си ја платив таа цена, осум години затвор“, рече Адеми.

Тој им посочи на пратениците од ВМРО-ДПМНЕ дека нашле не – Македонка, жена, да им го брани името Македонија, додека тие се кријат.

Седницата за разрешување на техничката министерка продолжува и по полноќ, односно, како што најави собранискиот спикер, Талат Џафери, додека не се поминат точките на дневен ред на седниците за Законот за Јавно обвинителство и Законот за Советот на јавни обвинители, како и седницата која е во тек, а на која меѓу другото, се разгледува и нејзиното разрешување.

Поврзани вести

Трипуновски: Немав основни услови за работа, се надевам дека од утре ќе добијам канцеларија

Viktor Jovanov

Стефанова: Савова ми препорача да ја прекинам истрагата против Камчев

Stefanija Kuzmanovska

Пресудата за Кичеец утре напладне

Влатко Зорба

МП: Укинувањето на членот 11а нема да влијае на помилувањата

Ивана Рамаданова

Ишингер: Катастрофа беше одлуката С. Македонија и Албанија да не почнат пристапни преговори со ЕУ

Возачот што прегази полицаец доби кривична пријава