МАКЕДОНИЈА

Адеми: Заврши предизвикот со КОВИД-19, се враќам на активностите и многуте работи што се пред нас

Министерот за образование и наука Арбер Адеми на својот фејсбук-профил објави дека е негативен на коронавирусот и дека од денеска им се враќа на работните активности. Како што беше најавувано во изминатиот период, на 10 август МОН треба да ги соопшти протоколите за реализирање на трите видови настава во зависност од епидемилошката состојба – со физичко присуство, онлајн-настава и комбинирана.

-Конечно заврши предизвикот со КОВИД-19. По две негативни последователни тестирања, од утре се враќам на активностите и многуте работи што се пред нас. Сакам да упатам порака до сите вас да бидете внимателни, да носите маски и да држите растојание. Благодарам од срце за изразената грижа, со вас ми беше многу полесно, напиша министерот на Фејсбук.

Адеми во петокот изјави дека зелено светло за модалитетите, како што рече, е дадено од Комисијата за заразни болести со кои во детали ги разработиле, добиле ставови и од СОНК и дека овие денови се очекува нивното финализирање. Додаде дека има доволно време до 1 септември навреме да се организира почетокот на 2020/2021 година и сите училишта да се подготват за спроведување на протоколите.

– Следна фаза е уште еднаш протоколите да се разгледаат во Комисијата и потоа на седница на Влада да се одлучи кој модел конкретно би се активирал за кои околности и во која епидемиолошка состојба. Имаме време пред нас. Преовладува позитивно мислење и во Kоординативниот кризен штаб и во Владата, но и во образовните институции, учебната година да почне со физичко присуство. Не прејудицираме, се разгледуваат сите можни опции, ги имаме протоколите за сите модели на настава кои се подготвуваат низ инклузивен пристап со консултација на сите засегнати страни за да имаме издржани решенија, рече Адеми во петокот.

Поврзани вести

Претседателот Пендаровски со честитка по повод христијанскиот празник Богојавление – Водици

Битиќи: Економијата во Македонија во 2020 година не е иста со економијата во 2008 или 2001 година

Средба во МОН за емитување воспитно-образовна програма за децата додека се дома поради корона вирусот

Влатко Зорба

ЈСП времено ги укинува студентските билети и бесплатниот превоз за пензионерите

СДСМ е избран да стане дел од Бордот на Прогресивна Алијанса (ВИДЕО)

20 евра казна за физички, 2.000 евра за фирмите кои нема да ја почитуваат мерката за задолжителна заштита

Берта Китинска