МАКЕДОНИЈА

Бугарскиот парламент: Кирил и Методиј се Бугари, а кирилицата e бугарска

Бугарскиот парламент усвои одлука според која 24 Мај ќе се слави како Ден на бугарската писменост, но и се најавува дека ќе се почне процес пред Европската Унија за признавање на кирилицата како бугарска азбука.

Бугарското Собрание со 73 гласа за, 4 против и 34 воздржани, денеска го усвои во прво читање, предлогот на коалицијата Обединети патриоти предводена од ВМРО-БНД на вицепремиерот и министер за одбрана Красимир Каракачанов, која е дел од Владата на Бојко Борисов.

Според предлагачите, ова е прв чекор кон признавање на кирилицата од страна на ЕУ како бугарска азбука.

– Бугарската писменост е идентична со кирилицата, создадена и раширена меѓу другите
словенски народи токму од Бугарија. Основата на државноста на бугарскиот дух е токму бугарското писмо. Кирилицата, која е создадена во Бугарија и ја замени глаголицата, создадена од Константин-Кирил филозоф и Методиј, е дел од основното движење за реформи спроведено од Борис, Симеон Велики и цар Петар, образложи пред бугарските пратеници историчарот Милен Михов од ВМРО.

И неговиот сопартиец Красимир Богданов смета дека „кирилицата е чисто бугарска творба, создадена од Климент Охридски, во бугарска држава, за време на бугарските средновековни кралеви“, и повика на широка национална поддршка на овој предлог.

Формулацијата „празник на словенското писмо“, според Обединети патриоти, била измислена од Комунистичката партија на Бугарија пред 30 години.

Предлогот во прво читање доби поддршка од пратениците на владејачката ГЕРБ на Бојко Борисов, а против беа опозициските БСП и ДПС.

Поврзани вести

Украдени 28 часовници во вредност од 575 илјади денари од продавница во Битола

Шкријељ: Ќе продолжиме со грижата секое дете да има еднакви можности

Состојба со коронавирусот во светот до 13 часот

Николовски: Сите волонтери на СДСМ на располагање на институциите

Усеини доби 30 годишна концесија за експлоатација на варовник

Влатко Зорба

Двајца позитивни на коронавирус во Лекарската комора: Се заразиле на приватна забава