МАКЕДОНИЈА

Ципрас ќе се моли да не победат повторно националистите во Северна Македонија

– Во моментот кога ЕУ е соочена со последиците од трагичната одлука да не даде зелено светло за интегративен процес на Северна Македонија, Грција се чини дека е целосно отсутна од случувањата во нејзиното соседство, напиша утрово на Фејсбук лидерот на СИРИЗА и поранешен премиер на Грција, Алексис Ципрас, коментирајќи ја позицијата на актуелната грчка влада и упатувајќи критики за пасивност и улога на статист во регионот, јави дописничката на МИА од Атина.

– На состанокот на Европскиот совет, (грчкиот премиер) тивко ги следеше Данска и Холандија да преговараат за иднината на Балканот. И сега со непријатност ја следи Италија, која предлага одново да започне пристапниот дијалог во ноември. Сигурен сум, колку јавно и да го кажува крајно контрадикторното дека треба да го почитуваме штетниот договор, истовремено ќе моли во соседната земја да не победат повторно националистите и го оспорат, меѓу другото, „срамниот“ Договор од Преспа. Со овие работи, Грција за жал се враќа на улогата на статист во балканскиот регион. Малата Грција која ги следи иницијативите на трети, напиша Ципрас на Фејсбук.

Поранешниот грчки премиер додава дека надворешна политика не се води под страв од внатрешно партиските корелации.

Поврзани вести

Нова иницијатива на ФИТР за вклучување на академската заедница во економскиот развој

Влатко Зорба

Јанева денес треба да биде вратена во притвор

user3

Уживање на сонце во време на Корона вирус

Средба Заев – Азески: Предлозите на бизнис заедницата ќе се вметнат во партиската изборна програма

Никола Поповски

Мицкоски: Ги повикуваме сите политички партии во државата вклучително и СДСМ да се приклучат на иницијативата

Берта Китинска

Исмаили: Се залагаме за фер односи со соседите

Александар Тодески