МАКЕДОНИЈА

Џафери ја напушта Инфективна, можно е да ја води конститутивната седница

Претседателот на Собранието во заминување Талат Џафери, кој беше хоспитализиран денеска заминува од Клиниката за инфективни болести, и можно е утре тој да претседава со конститутивната седница на Собранието.

-Се чувствувам добро и мислам дека веќе е извесно дека јас ќе претседавам со конститутивната седница утре, изјави Џафери.

Собраниските служби,пак, се подготвуваат согласно мерките за заштита од коронавирусот за одржување на конститутивната седница во големата сала со купола каде што ќе биде обезбедено соодветно растојание меѓу пратениците, собраниските службеници и други лица кои треба да се присутни. Гласовите на оваа седница ќе се бројат рачно, а веројатно и на тие потоа, имајќи предвид дека во неа нема инсталирано систем за гласање.

На денот на одржување на Конститутивната седница ќе се мери температура на секој што ќе дојде во собраниската зграда, пратениците и другите поканети гости ќе бидат прифаќани од протоколот и спроведувани точно до местото каде што ќе треба да седат.

Кризата со коронавирусот предизвика промени и во работата на новинарите и медиумите. Како што се најавува, имајќи ја предвид актуелната состојба со коронавирусот, најверојатно бројот на медиумските работници во Собранието ќе биде ограничен, а нивните активности ќе се следат во живо преку Собраниските канал и со стримови во живо. Конститутивната седница ќе се следи преку Собранискиот канал, а прес-конференции ќе бидат организирани во Кристалната сала каде што би имало доволено простор за одржување дистанца.

Поврзани вести

„Анима Мунди“ бара измени на забраната за движење поради физиолошките потреби на милениците

Сугарески: За изградба на брана на река Отиња годинава се предвидени 200 илјади евра

Влатко Зорба

ВМРО-ДПМНЕ ќе го блокира укинувањето на лустрацијата со амандмани

Министерството за здравство еднаш дневно ќе информира за нови случаи на Ковид19

Александар Петровски

Расте бројот на оздравени пациенти: Скопје во изминатите 24 часа без регистрина позитивен случај на Ковид 19

Доктор Караџовски: Пет градови во кои има познати кластери на вирусот се држат под контрола