МАКЕДОНИЈА Политика

Џафери: Мора да имаме резервен план за работа во вонредни околности

За носењето закони по скратена постапка, кои беа дел од реформскиот процес, избравме поарно да биде оценката послаба по однос на Собранието, одошто државата да има последици по однос на членството во НАТО и преговорите со ЕУ, вели претседателот на Собранието, Талат Џафери во интервју за РСЕ.

Откако неколку пратеници се заразија со ковид-19 изјавивте дека засега нема опција собранието да заседава онлајн и дека би се гласало по примерот со пратеникот Арбен Зибери во посебна кабина. Но пратениците, во тој случај, нема да може да учествуваат на расправите. Како тоа би влијаело на процесот?

Сега се најдовме среде пандемија. Што вели народот, не дал господ пожар, каде ќе работи собранието? Со Уставот е тесно дефинирано дека собранието работи во собраниската зграда, во таа и таа сала, и што сега ќе останеме заробеници на тоа? Скопје и скопската котлина е трусно подрачје, гледано сеизмолошки. Во случај на земјотрес и поголемо оштетување на објектот, каде ќе се одржуваат седници? Не е дефинирано. Затоа сега кога се најдовме во оваа ситуација е неопходно да размислиме да имаме резервни правила како и на кој начин би ја извршиле нашата функција и во такви услови, а не тоа да биде замена за редовната работа. Но во секој случај пратениците, субјектите, политичките партии имаат за право да имаат пристап онаков каков што пристапиле кон оваа идеја. Јас опстојувам на фактот дека ако не сега, во идно време ќе мора да имаме алтернативни решенија за алтернативна работа во алтернативни услови. За нормални услови кој нормален човек би побарал да си работи од дома? Но ситуацијата наметнува да размислуваме и за тоа.

Поврзани вести

Маричиќ именуван за Национален координатор за интеграција во ЕУ, Берлински процес и регионална соработка

Влатко Зорба

Градоначалникот на Велес: Ги повикувам граѓаните да излезат на гласање и да го дадат својот глас

Случајот со родилката – лекарка која криела контакти, преминува во надлежност на МВР

Промовиран прирачник за професионална, безбедна и етичка работа на снимателите во медиумите

Влатко Зорба

Претреси во Охрид, лишен од слобода дилер на дрога

Филипче тврди дека се во тек подготовки за распишување 30 огласи за специјалистички ординации

user3