МАКЕДОНИЈА

ЕУ: Макрофинансиска помош од 80 милиони евра за С.Македонија за борба со коронавирусот

Европската Комисија денеска потпиша Меморандум за разбирање со Северна Македонија со цел отворање на патот за исплата на макрофинансиска помош од 80 милиони евра.

Ова е прв меморандум за разбирање, потпишан како дел од пакетот од 3 милијарди евра, што Комисијата го предложи за десет нејзини партнерски земји, соседни но и кандидати во процесот на проширување, а се со цел излез од економската криза предизвикана од пандемијата со коронавирусот.

Како што информира Европска Комисија, овие средства ќе бидат достапни во форма на долгорочни заеми по многу поволни услови.

-Средствата ќе придонесат за подобрување на макроекономската стабилност и создавање простор за распределување ресурси за ублажување на сериозните негативни социо-економски последици од пандемијата на коронавирус, информира ЕК.

Програмата за Северна Македонија е во вредност од 160 милиони евра.

-Денеска потпишавме Меморандум за разбирање со Северна Македонија, отворајќи го патот за исплата на финансиска поддршка од 80 милиони евра, истакна комесарот за економија, Паоло Џентилони.

Одлуката за давање макрофинансиска помош на десетте земји во контекст на справување со пандемијата КОВИД-19 беше предложена од Комисијата на 22 април, и донесена од ко-законодавците на 25 мај 2020 година.

Поврзани вести

Села: Има многу сомнителни резултати на многу избирачки места

Се ставаат вон функција второто и осмото крило во „Идризово“

Александар Тодески

Казни за несовесните граѓани, апели да не се патува и да се остане дома

Операторите од понеделник на полноќ нема да реемитуваат ТВ канали

Берта Китинска

Времето денес променливо облачно и ветровито

Еднократна социјална стипендија за сите финансиски загрозени студенти, бара УКИМ

Берта Китинска