МАКЕДОНИЈА

Филипче: Ги повикувам институциите да ги истражат лажните наводи на ВМРО-ДПМНЕ

„ВМРО-ДПМНЕ продолжува со клеветите и инсинуациите за мене и за семејството на мојата сопруга. Повторно барам да се извинат за изнесените лаги. Апелирам да престанат да кажуваат невистини и да ме поврзуваат со сопственост на имоти кои ниту ги поседувам, ниту сум влијаел некој друг да ги поседува уште од 2015 година“, се вели во реакцијата на министерот Венко Филипче.

„Денеска Стилоковски обидувајќи се да ја одржи во живот оваа банална приказна ме поврза со нови лица со кои, освен професијата, апсолутно ништо друго не не поврзува.

Срамно е преку вакви конструкции без никакви докази за моја поврзаност во врска со наводните имоти кои ги споменува Стоилковски, да се продолжува моето оцрнување и оцрнувањето на семејството на мојата сопруга.

Уште еднаш ги повикувам институциите да ги истражат овие лажни наводи на ВМРО-ДПМНЕ и да докажат дека на ниту еден начин не сум ја злоупотребил функцијата, ниту сум инволвиран во ова за што денеска бев бесправно обвинет.

Трагично е што во период кога сме посветени на справување со коронавирусот, Стоилковски и ВМРО-ДПМНЕ се обидуваат преку лаги да ја дефокусираат јавноста“, додава Филипче.

Поврзани вести

Општина Битола даде согласност за формирање паралелки со помал број ученици

Помалку осудени и обвинети во текот на минатата година

Спасовски: Уставното загарантирано право за неповредливост на домот останува, полицијата ќе реагира само на пријави

Од новозаболените со коронавирус, 21 лице патувало во странство

Спасовски: Останете дома, почитувајте ги рестрикциите и учествувајте сите во битката да го запреме вирусот

Болничар од Штип позитивен на Ковид -19

Берта Китинска