МАКЕДОНИЈА

Филипче: Разговараме сите во регионот во еден момент да ги отвориме границите

Разговараме сите во регионот во еден момент да ги отвориме границите со една изедначена политика во однос на PSR тестовите. Идејата е да се отворат границите без PSR тестови, истакна денеска министерот за здравство Венко Филипче во врска со тоа дали македонските граѓани ќе можат да излезат од границите во регионот.

– Земјите-членки на ЕУ имаат само препорака, немаат генерална политика на ЕУ по ова прашање и во таа смисла имаат слобода да одлучуваат каков ќе биде режимот на границите. Точно е дека најавивме во неколку наврати претходните недели дека ќе имаме некаква одлука, но за жал го чекавме одговорот од соседните земји. Конечно одговорија во текот на изминатата недела, профункционира системот на координација, кој сега е поддржан од Американската амбасада во Скопје. Искрено се надевам дека дефинитивно ќе се разменат сите информации и врз основа на тоа што значи точна епидемиолошка ситуација во секоја од земјите од Западен Балкан плус Бугарија и Грција ќе заземеме заедничи став. Комуникацијата се базира на тоа дека превентивните мерки треба да се почитуваат, рече Филипче, одговарајќи на новинарски прашање по настанот на Здружението „Борка – за секој нов ден“ по повод кампањата за борба против рак на дојка „Race for the cure“.

Во врска со синоќешниот културен настан „Бела ноќ“ посочи дека нивните информации се дека мерките се почитувале во рамките на организацијата, значи гостите седеле согласно порепораките столчињата биле на соодветна дистанца, но мерките не се почитувале надвор од организираниот простор.

– Во таа смисла најавивме претходните денови дека ќе преземеме и дополнителни рестриктивни мерки, а една од нив е целосна забрана за настани, ако видиме дека ова ќе продолжи. Многу земји во светот ги откажуваат настаните и концертите за практично цела 2021 година, стравувајќи од непочитување на мерките. Интензивно ќе следиме и ќе видиме што ќе преземеме, додаде Филипче.

Поврзани вести

Се намалува бројот на пзитивни случаи болниците се полупразни, вели Филипче

Берта Китинска

Царовска: Субвенционирањето на растот на платите ќе ги поткрепи компаниите за минималната плата

user4

Мицкоски: Зоран Заев е виновен затоа што беше премиер, обвинител и судија

Никола Поповски

Богоевски: Проблемите во судството не се настанати откако Груевски дојде на власт

Никола Поповски

Штајнмајер: Многу е важно С. Македонија да остане ангажирана и да продолжи со спроведување на реформите

Никола Поповски

Џафери: Антикорупциска до утре да се извини за ноторните невистини

Никола Поповски