МАКЕДОНИЈА

Филипче за приговорот на ВМРО-ДПМНЕ: Патував со возило кое го добив од Агенцијата за разузнавање

Ниту пред, ниту по Штип не сум користел службено возило за никакви други цели освен за работните обврски во Министерството, вели министерот за здравство Венко Филипче, во врска со приговорот на ВМРО-ДПМНЕ до Државната комисија за спречување на корупција за наводна злоупотреба на службено возило на Министерството за здравство за партиски.

Во својата реакција министерот Филипче појаснува дека во Штип на 28 јуни, бил во посета на штипската болница која од почетокот на корона кризата функционира како регионален ковид центар, а посетил и една градинка во градот.

На настанот тој потенцира дека патувал со возило кое на почетокот на кризата Министерството за здравство го добило од Агенцијата за разузнавање со договор за користење, а не со службено возило на Министерството.

– По завршување на дневните обврски пред заминување за Скопје, во својство на претседател на здравствената комисија на СДСМ бев на настан на кој ја презентирав здравствената програма на коалицијата Можеме. Бев уверен дека постапувам согласно законот, дека нема апсолутно никакви прекршувања и доколку се утврди спротивното се извинувам за ненамерниот превид. Образложението за ова ќе го доставам и до претседателот на Владата, Оливер Спасовски.

Тој посочува дека сите посети на јавно здравствените установи низ земјата во овој период се во насока на согледување на состојбите во установите, начините на кои тие се справуваат со корона кризата, предизвиците со кои се соочуваат здравствените работници и можностите за унапредување на целокупниот здравствен систем во справување со ковид-19.

Поврзани вести

Следните денови ќе се одлучува за евентуално воведување карантин во одредени општини

Вогел: Германија е најголем поборник за проширувањето на ЕУ

Влатко Зорба

Независната пратеничка група го разгледува Законот за ЈО, неделава ќе пресечат како ќе гласаат

Собранието денеска треба да го донесе Буџетот за 2020 година

Никола Поповски

Немаат коронавирус двајцата странци кои престојувале во скопскиот хотел

Влатко Зорба

Антикорупциска потсети на обрските за време на изборниот процес