МАКЕДОНИЈА

Гасоводот од Грција во нашата земја ќе влезе меѓу селата Богородица и Стојаково

Претставници на АД во државна сопственост „Национални енергетски ресурси“ денеска на состанок кај гевгелискиот градоначалник Сашо Поцков презентираа дека гасоводот од Грција во нашата земја ќе влезе меѓу селата Богородица и Стојаково.

Според проектот, гасоводот, како што беше речено, ќе минува низ територијата на општина Гевгелија кај селата Прдејци и Смоквица, а градот Гевгелија ќе биде споен со него на приклучната станица која ќе се гради на влезот од градот.

Интерконективниот гасовод од Грција, кој ќе се вкрсти кај Неготино со гасоводот од Бугарија,беше нагласено дека има огромно значење бидејќи ќе обезбеди предуслови за поголема раширеност на гасоводната мрежа во земјата.

Беше посочено дека проектот треба да биде реализиран до крајот на оваа година,а за приклучувањето на Гевгелија во него ќе биде изработен посебен проект за секундарна гасоводна мрежа за што општина Гевгелија веќе аплицираше за негова изработка на објавениот повик од амбасадата на Шведска,УНДП и Министерството за локална самоуправа.

Поврзани вести

Пет кривични пријави поради орото во Чаир – познат идентитетот на лицата

Пратениците ќе гласаат дали Рамчиловиќ ќе биде нов потпретседател на Собранието

Влатко Зорба

Едно лице повредено во престрелка во Гази Баба

Влатко Зорба

Општина Аеродром доделува субвенции за инвертер-клими

Влатко Зорба

Скопјанец извршил самоубиство со скок од зграда во скопската населба Север

МТСП доби благодарница од УЈП за успешна соработка

Ивана Рамаданова