Хроника

Еден возач потешко, а девет лица полесно повредени во сообраќајки во Скопје

Еден возач на патничко моторно возило се здобил со тешки телесни повреди, а девет лица со лесни телесни повреди во седум од вкупно 14 сообраќајни незгоди што се случиле изминатото деноноќие на подрачјето на Град Скопје. Во седум сообраќајни незгоди е причинета материјална штета.

Од сообраќај, според податоците на СВР Скопје, исклучени се 22 возачи кои се движеле со поголема брзина од дозволената, тројца возачи кои управувале возило под дејство на алкохол, 23 возачи пред да се стекнат со право на управување на моторно возило и осум возила кои биле нерегистрирани.

За непрописно паркирање биле издадени 90 казни, а со специјалното возило „пајак“ подигнати се 86 возила.

Казнети се и четворица пешаци кои поминале коловоз вон пешачки премин, пет пешаци кои поминале коловоз на црвено светло, пет возачи кои поминале крстосница на црвено светло, еден возач кој не дал првенство на минување на пешаците на обележан пешачки премин, четворица возачи за неправилно престројување, четворица возачи за неправилно престигнување, двајца возачи кои не дале првенствно на минување на возила во зона на крстосница, еден возач за некористење на заштитен шлем на вел. со мотор, мопед и мотоцикл, шест возачи за не носење сигурносен појас за време на управување на моторни возила  и седум возачи за користење мобилен телефон за време на управување на моторни возила.

Поврзани вести

Полицијата спречи нелегален влез на 252 мигранти

Влатко Зорба

Едно лице е повредено во синоќешното невреме во Скопје

Берта Китинска

Брачна двојка од Македонија криела пари во долна облека, српските цариници ги заплениле

Влатко Зорба

Контролори од Фондот за здравство обвинети за примање поткуп од 30.000 денари

Берта Китинска

Варел кафе на плин и го предизвикал пожарот во Ново Лисиче

Берта Китинска

Кривични пријави за две лица за убиство на Дилавер Бојку Леку

Берта Китинска