Хроника

Косовски државјанин обвинет за внесување на дрога во затворот Идризово

По спроведена истражна постапка, Основното јавно обвинителство Скопје до Основниот Кривичен суд Скопје поднесе Обвинителен акт против косовски државјанин кој се товари дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.1 од Кривичниот законик.

-Обвинетиот, на 31 јануари, во просториите на Казнено-поправната установа “Идризово” во Скопје, при редовна посета на осудено лице, неовластено пуштил во промет наркотична дрога – кокаин со нето маса од 89,96 грама. При влезот во установата, обвинетиот на затворскиот полициски службеник му предал пакет наменет за осуденото лице, во кој имало и една јакна. По извршениот претрес на пакетот, во внатрешниот џеб од јакната, во најлонско пакување обвиткано со селотејп, била пронајдена наркотичната дрога – кокаин, информираат од Обвинителството.

Надлежниот јавен обвинител до Судот достави и предлог за продолжување на претходно определената мерка притвор за обвинетото лице, со оглед на тоа што и натаму постои опасност од бегство и можност тој да го повтори делото што му се става на товар.

Поврзани вести

Кривична за две лица од Лисичани, не седеле во самоизолација

„Рекeт” продолжува на 25 и 26 мај

Обвинение за две струмачанки кои не ги почитувале мерките за заштита од заразни болести

По пад од трактор почина 6 годишно дете од Делчево

Влатко Зорба

ОЈО поднесе обвинение против 22 годишен скопјанец за поседување марихуана

user3

Нападната жена која работи во обезбедувањето во Управата за матични книги

Берта Китинска