Хроника

Со чаршав импровизиран како јаже избегале oд хотел-државен карантин

Двајца турски државјани на возраст од 22 и 24 години, од кои едниот бил позитивен на коронавирусот, синоќа избегале од хотел-државен карантин во Скопје со чаршав што бил врзан како импровизирано јаже, соопшти полицијата. Двете лица се осомничени од полицијата за криумчарење мигранти, но поради позитивниот тест за Ковид-19 кај едниот од нив биле упатени во државен карантин.

-На 08.07.2020 околу 22:30 часот во СВР Скопје било пријавено дека помеѓу првиот и вториот кат од прозорецот на хотел – државен карантин во Скопје бил забележан чаршав, кој бил врзан како импровизирано јаже. По проверка во собите од полициски службеници од СВР Скопје било констатирано дека во две соби ги нема А.Ј.(22) и А.Б.(24), двајцата од Турција, кои на 03.07.2020, врз основ на наредба, а во врска со кривичното дело ,,криумчарење мигранти“, од Полициска станица за гранични проверки и граничен надзор Богородица биле спроведени во државен карантин, поради позитивен тест на ковид – 19 кај едно од лицата, соопштија од полицијата.

Се преземаат мерки за расчистување на случајот.

Поврзани вести

7- годишно дете прегазено на улица во Гостивар

Берта Китинска

Возило излетало во провалија, возачот загинал на лице место

Берта Китинска

Тројца основци со тврд предмет нападнале ученик од друго одделение

Влатко Зорба

Триесет и едногодишна жена од тиквешијата се затрула со апчиња

МВР: 37 приведени поради непочитување на забраната за движење

Влатко Зорба

Јовановски бара укинување на притворот поради лоша здравствена состојба

Влатко Зорба