МАКЕДОНИЈА

ИФИМЕС: Со меморандумот испратен до Брисел, Бугарија сака да го блокира одржувањето на првата меѓувладина конференција меѓу Северна Македонија и ЕУ

Меѓународниот институт за блискоисточни и балкански студии од Љубљана направи анализа во која се вели дека иако Република Бугарија и Република Северна Македонија го потпишаа Договорот за пријателство, добрососедство и соработка на 2 август 2017 година, настаните не се случија според потпишаниот договор и Бугарија започна да ги извезува своите внатрешно-политички проблеми во Северна Македонија.

„Врз основа на Договорот, формирана е мешана историска комисија, која има за задача да најде решение за заеднички дел од историјата и заедничка историска фигура, што е „усвоено“ од Македонците и Бугарите.Тоа е историска личност на Гоце Делчев, роден во денешна Грција, но кој во умовите на Македонците претставува национален револуционерен херој, кој ја водеше борбата за ослободување од тогашното османлиско владеење. И Македонците и Бугарите го сметаат за свој национален херој. Кон ова треба да се додаде честиот бугарски предизвик за идентитетот на Македонците како народ и прашањето за постоењето на македонскиот јазик“, пишува ИФИМЕС.

Бугарија, се вели во анализата, неодамна поднесе меморандум до членките на ЕУ официјално под наслов „Меморандум што ги објаснува односите меѓу Република Бугарија и Република Северна Македонија во контекст на процесот на проширување и асоцијација и стабилизација“, со кој се бара ЕУ да го направи Договорот за соседство дел од рамката за преговори со Северна Македонија. Бугарија ги оспорува и македонскиот јазик и националниот идентитет.

„Со меморандумот испратен до Брисел, Бугарија сака да го блокира одржувањето на првата меѓувладина конференција меѓу Северна Македонија и ЕУ, односно да се одложи почетокот на преговорите на Македонија со ЕУ. Аналитичарите сметаат дека Бугарија со вакви потези ги извезува своите внатрешни проблеми во Северна Македонија, но во исто време, однесувањето на Бугарија е еден вид тест за самата ЕУ, дали ќе дозволи билатералните прашања меѓу државите да бидат наметнати како клучни за процесот на преговори. Од историјата се познати бројни примери дека одредени историски личности се „посвоиле“. Можеби најилустративниот пример за споредба на споровите околу историските личности, националниот идентитет и јазикот се Србите и Црногорците, два претежно православни народи, како што се Бугарите и Македонците. Бугарскиот меморандум упатен до ЕУ мора да стане бесмислен, бидејќи е незамисливо во 21 век државата Бугарија, која е полноправна членка на ЕУ и НАТО, да го оспорува идентитетот и јазикот на соседниот македонски народ“, се вели во анализата.

Поврзани вести

ВО ЖИВО: 25. Конгрес на СДСМ

Попладне и во текот на ноќта нестабилно време, со пороен дожд, грмежи и засилен ветер

Влатко Зорба

СДСМ: Во изборната кампања, Мицкоски и ВМРО-ДПМНЕ беа најголема закана за ширење на вирусот

Дескоска: СЈО згасна, но не и предметите кои ги отвори

Влада: Редарите, маските и социјалната дистанца во продавниците ќе бидат задолжителни уште најмалку 200 денови

Филипче: Мал процент од лицата кои се во карантин или самоизолација имаат развиено симптоми

Берта Китинска