МАКЕДОНИЈА

Кривична против две фирми и нивниот управител од Велес кои затаиле 6,7 милиони денари

Управата за финансиска полиција соопшти дека до Основното јавно обвинителство Велес поднесе кривична пријава против лицето В.О. во својство на управител на правните лица ТД АДО 95 и ТД ГАЦО КОМ, како и против правното лице ТД АДО 95 и правното лице ТД ГАЦО КОМ, поради постоење основано сомнение за сторено кривично дело даночно затајување од член 279 ст.1 и ст.3 и фалсификување или уништување деловни книги од член 280 ст.2 и ст. 3 в.в.ст.1 од Кривичниот Законик на Република Северна Македонија.

-Првопријавениот В.О. во својство на управител на правните лица ТД АДО 95 и ТД ГАЦО КОМ, во периодот од 01.01.2016 година до денес, со цел да се стекне со противправна имотна корист, во име и за сметка на второпријавеното правно лице ТД АДО 95 и третопријавеното правно лице ТД ГАЦО КОМ, во завршните сметки за 2018 година прикажал невистинити податоци, односно, не извршил отпис на ненаплатените побарувања од купувачите кои се постари од три години, и тоа за вторпријавеното ТД Адо 95 во износ од 43.103.393,00 денари, за третопријавеното ТД Гацо Ком во износ од 23.783.183,00 денари со што не ја зголемил добивката во однос на непризнаени расходи за даночни цели, за кои износи не пресметал, не пријавил и не платил Данок на Добивка во износ од 4.310.339,00 денари за второпријавеното правно лице ТД Адо 95 и износ од 2.378.183,00 денари за третопријавеното правно лице ТД ГАЦО КОМ, наведуваат од Финансиската полиција.

Со претходнонаведените дејствија, се посочува, пријавените лица го оштетиле Буџетот на Република Северна Македонија во вкупен износ од 6.688.658,00 денари.

Поврзани вести

Адеми: ДУИ очекува кампањата за предвремените парламентарни избори да биде фер, демократскa и мирнa

Stefanija Kuzmanovska

Филипче: Анестеолозите и инфектолозите прават максимум за пациентите со тешка клиничка слика

Stefanija Kuzmanovska

Владата ги усвои програмите за работа на повеќе министерства, јавни претпријатија, агенции и акционерски друштва

Никола Поповски

Синдикат на Клинички центар: Ќе се спротивставиме на постапката за формирање нелегитимен синдикат

Stefanija Kuzmanovska

Шише со запалива течност фрлено во двор од куќа во прилепско

Дивоградба се руши кај касарната во Охрид (ВИДЕО)

Влатко Зорба