Култура

Град Скопје ќе ги награди „Медените“ со 600 илјади денари

Градот Скопје планира да додели парична награда во вредност од 600.000 денари за авторската и актерската екипа на документарниот филм „Медена земја“ кој беше номиниран за Оскар.

Ваква одлука, како што информираат од Град Скопје, се очекува да биде донесена на денешната седница на Советот на Град Скопје.

– Оваа награда се доделува за придонесот на ова филмско ремек-дело за афирмација на нашата земја и култура во светот, како и за промоција на вистинските човечки вредности и односот кон животната средина од која зависиме и која треба да ја чуваме. Градот Скопје со овој чекор ја потврдува својата заложба за поддршка и афирмација на културата, со надеж дека ваквиот позитивен однос ќе ги поттикне културните работници да творат и да создаваат незаборавни дела, велат од Град Скопје.

Филмот „Медена земја“ на режисерите Тамара Котевска и Љубомир Стефанов освои многубројни награди на престижни филмски фестивали низ светот, а беше номиниран и за Оскар, во категориите Најдобар документарец и Најдобар странски филм. Приказната за Атиџе, одгледувачка на диви пчели испрати силна порака за важноста на здравата и чиста животна средина и за зачувување на рамнотежата во природата.

Поврзани вести

Четврти министерски форум за културна соработка меѓу Кина и земјите од ЦИЕ во Скопје

Влатко Зорба

„Натан мудриот“ прва премиера на Гостиварскиот театар

Влатко Зорба

Муралот со пораките за заедништво, испишан со порака со говор на омраза (ФОТО)

Професор Поповски е првиот научник од Македонија кој стана член на Европската академија

Берта Китинска

Отворена изложбата на фотографии „Убавината на Тетово во различни времиња“

Maja_Serafimova

Македонска копродукција со награда на Берлинале