МАКЕДОНИЈА

МТСП: Видувањата на децата со родителите да се одржуваат во договор меѓу двајцата родители, грижата за здравјето на децата да биде приоритет

Министерството за труд и социјална политика, во врска со начинот на одржување на контактите на децата со родителите со кои не живеат, во услови на пандемија од корона вирусот, потсетува дека согласно со Законот за семејството, родителското право го вршат родителите заедно, во согласност со потребите и интересите на децата и интересите на општествената заедница.

Во услови на пандемија на корона вирусот, кога е доведено во прашање здравјето и животот на луѓето, родителите имаат обврска да се грижат за заштита на здравјето на децата и да го прилагодат движењето на децата согласно препораките на Владата за постапување во услови на вонредна состојба и воведен полициски час. Во овие услови потребно e родителите да се договорат за начинот на одржување на контактите на децата со родителот со кого не живеат, а притоа децата да не бидат изложени на опасностите кои со себе ги носи оваа пандемија.

Во оваа насока информираме дека центрите за социјална работа како надлежни органи се отворени и се на располагање на родителите за обезбедување на неопходната стручна и советодавна поддршка при договарање на начинот на одржување на односите меѓу родителите и децата.

Согласно со Законот за семејството двајцата родители се должни совесно и одговорно да ги извршуваат родителските права и обврски и да се грижат за заштита на здравјето на децата.

Поврзани вести

Макрадули: Зазеленувањето е дел од имплементацијата на Планот за чист воздух

Уапсен педофил на граничниот премин „Јажинце“

Никола Поповски

Влада: Институциите итно да ги лоцираат и казнат одговорните за собирот во Струга

Манчевски во Македонски Брод: Нашата политика е парите да ги враќаме кај граѓаните и тоа го правиме по неколку основи

Влатко Зорба

Оровчанец за изминатиов викенд: Не беше во ред луѓето што избегаа од Скопје

Малиќи со апел за помош на настраданите во земјотресот во Албанија

Влатко Зорба