МАКЕДОНИЈА

Негативен на коронавирус е возачот на автобусот со кој допатуваа двете новозаболени лица

Министерството за здравство информира дека возачот на автобусот со кој допатуваа двајцата ново-заболени пациенти е негативен на корона вирус.

Тој денеска со нова тура патници од Италија беше пречекан на граничниот премин Табановце. Автобусот беше тргнат на страна, а до добивањето на резултатите од тестот, тој и патниците беа во неколку-часовна изолација во објект на Царинската управа на граничниот премин.

-До истекот на 14-иот ден од периодот на инкубација, пресметано од последниот ден на контакт со заболените (27 февруари), шоферот, со решение на ДСЗИ, останува во домашна изолација, под здравствен надзор на епидемиолозите, наведуваат од Министерството за здравство.

Патниците, пак, кои денеска пристигнаа со него, по прегледот од епидемиолозите на граничниот премин при кој кај ниту еден не е индицирана болест, се пуштени дома. Тие немале контакт со позитивен пациент, но дадени им се препораки, доколку почувствуваат некои симптоми, да не одат по здравствени институции, туку веднаш да се јават во центрите за јавно здравје.

По денеска одржаната прес-конференција, според последната информација добиена од МВР, вкупниот број на патници во автобусот со кој на 27 февруари пристигнале заболените пациенти е 28. Оваа бројка ги вклучува возачот-сега веќе тестиран и негативен, двајцата заболени пациенти и тројца патници кои ја напуштиле земјата. Сите 22 останати се идентификувани и контактирани. Со решение на ДСЗИ за здравствен надзор со полициска придружба сите остануваат во домашна изолација, а за непостапување по решението следат правни консеквенци, наведуваат од Министерството за здравство.

Поврзани вести

Патријарх Неофит: Православните браќа во Македонија може да сметаат на поддршката на БПЦ

Филипче тврди дека се во тек подготовки за распишување 30 огласи за специјалистички ординации

user3

ЕСС работеше согласно Деловник, стои во реакцијата од кабинетот на Царовска

Stefanija Kuzmanovska

Првата пациентка нема коронавирус, оди на домашно лекување

Има согласност да се одложи најавениот прекин на реемитување на домашните и странските телевизиски канали

Дел од „8 септември“ се опремува за заболените од коронавирус, а кај кои требаат и други интервенции