МАКЕДОНИЈА Хроника

Од две возила бил удрен полицаецот што вчера загина на автопатот Тетово – Гостивар

Полицаецот П.Ѓ. кој вчеравечер загина на автопатот Тетово – Гостивар додека со колега го обезбедувал местото по случена сообраќајна несреќа, бил удрен од две возила.

МВР во денешниот билтен соопшти дека во двајцата полицајци, П.Ѓ. и Ф.Ш,,  во 19.05 часот  удрило возило „форд фокус“ управувано од 31-годишниот Р.Ш. од кичевското село Грешница, а потоа во П.Ѓ. удрило и возило „фолксваген голф“ со тетовски ознаки управувано од 39-годишниот И.Б. од село Синичане, кое се движело од Гостивар кон Тетово.

Со возило на итна медицинска помош полициските службеници се пренесени во Медицинскиот центар Гостивар, каде што кај П.Ѓ. е констатирана смрт, а кај Ф.Ш  – тешки телесни повреди.

По насока на јавен обвинител, возачот  Р.Ш. е лишен од слобода во Полициска станица Гостивар.

Двајцата полицајци го обезбедувале местото на автопатот Тетово – Гостивар каде што 15-ина минути пред да бидат прегазени, се случила сообраќајка помеѓу „БМВ“ управувано од Ѓ.Т. (20) од Гостивар и „пежо“ што го возел Е.О.(49) од гостиварското село Речане.

Во таа несреќа тешко се повредени три сопатнички во „пежото“ – Ф.С.(51), О.Р.(48) и Д.Х.(27), сите од село Речане, и биле пренесени во Клиничкиот центар „Мајка Тереза“.

Увид на местото на настанот извршила увидна екипа на СВР Тетово.

Поврзани вести

Пауновски: Локалот „Мош“ доби кривична пријава

Никола Поповски

Спортскиот аеродром Стенковец затворен за јавност

Манчевски: ВМРО-ДПМНЕ се уште го држи судството и судиите во свои раце

Viktor Jovanov

Мизрахи на средба со генералниот секретар на Црвен Крст

Влатко Зорба

Потврда од МВР за инцидентот во Куклица: Приведени седум полицајци

Заев најави воведување на електричен трамвај со проектирана вредност од околу 100 милиони евра

Maja_Serafimova