МАКЕДОНИЈА

Панел дискусијата: „Повратна, или карта во еден правец? Како земјата се справува со одливот на мозоци?

Преку координираност на државните институции, бизнис заедницата и невладиниот сектор може да се направи тренд на повратна миграција која ќе биде позитивна за нашата држава., изјави Дамир Незири, претставник на Вестминстер фондација за демократија на панел дискусијата „Повратна, или карта во еден правец? Како земјата се справува со одливот на мозоци?“ во организација на Мрежата за спречување на одлив на мозоци.

Вакви истражување освен во нашата држава, биле спроведени и во Србија, Албанија и Црна Гора и наодите се многу слични во регионот. Постои негативен тренд на иселување, односно повеќе луѓе се иселуваат отколку што се враќаат.

„Според податоци што ги имаме, овој тренд во нашата држава до 2015 година е во пораст, од 2016 година е во одреден пад, но, сепак тоа државата ја чини многу средства. Околу 330 милиони евра потенцијален БДП годишно е она што го изнесуваат луѓето и околу 500 милиони евра пари вложени во образование“, рече Незири.

Позитивно е што луѓето што се иселуваат враќаат средства во државата. Околу 200 милиони евра или скоро два отсто од БДП се враќаат по регуларни патишта, преку банки итн. Но, како што рече, има проценка дека низ сиви зони се враќаат околу 400 милиони евра или вкупно 600 милиони евра, што е сериозна бројка.

Незири рече дека се проценува оти 720 милиони евра се враќаат од странство во нашата држава на годишно ниво.  Шеесет и седум отсто од овие средства одат во директна потрошувачка. Тоа се пари кои стигнуваат и веднаш се трошат, а само еден отсто одат во бизнис инвестиции, околу 16 отсто одат во инвестиции во недвижнини, околу пет отсто одат во штедење и исто толку отсто и во исплаќање на задолжување.

„Доколку државата преку мерки успее да го промени ова и поголем дел од овие средства одат во инвестиции, тогаш иселувањето може да биде двигател на економскиот раст, рече Незири.

Според други истражувања, како што рече, нашите граѓани се иселуваат во релативно богати земји што значи дека економскиот фактор е се уште најголем двигател, но не е единствен.

Директорот на Агенцијата за иселеништво Никола Шалваринов смета дека во иселеништво имаме од 500 до 600 илјади државјани на Република Северна Македонија. До овој број стигнале од работата на терен и од податоците на државите каде претежно се иселуваат нашите државјани во последните 15 години, тоа е во Европа, а помалку во САД, Австралијa.

Според него, тоа е проблем и малку е доцна да се работи само на спречување на иселувањето. Треба да се размислува и да почне да се прави реална стратегија како да се анимираат иселениците, како да ни помогнат и да ги користиме нивните капацитети кон државата, дали во однос на економија, туризам, политика…

Панел дискусијата е во рамки на проектот „Мрежа за спречување на одлив на мозоци“ и е финансиски поддржан од „Фондацијата Отворено општество – Македонија“.

Поврзани вести

Приштински „Газета експрес“: Членови на Алијансата за Албанците ќе формираат Самоопределување во С. Македонија

Никола Поповски

Дополнителни мерки на Владата за спречување на внесување и ширење на коронавирусот

ФЗОМ: Тестовите за коронавирус чинат од 1.100 до 5.500 денари

Влатко Зорба

Хрватскиот министер за надворешни и европски работи денеска во Скопје

Што содржи нацрт преговарачката рамка на ЕУ со Северна Македонија?

Во приколка откриени 10 мигранти од Ирак, Авганистан и Бангладеш

Никола Поповски