МАКЕДОНИЈА

Пациентка од Струга почина од коронавирус, 22 нови случаи

Дваесет и два нови случаи на заболени од коронавирус се регистрирани изминатите 24 часа во земјава, соопшти Министерството за здравство. По градови во Скопје (9), Куманово (3), Струга (3), Тетово (2), Дебар (2), Прилеп (2), Битола (1). Со ова, вкупната бројка на дијагностицирани пациенти со КОВИД-19 денеска до 12:00 часот изнесува 241 лице.

Според местото на живеење, досега случаи на КОВИД-19 се регистрирани во: Скопје- 143, Дебар – 45 од кои 2 починати, Куманово – 20 од кои 1 починат, Штип – 8, Прилеп – 8,Тетово- 4, Охрид- 3, Велес – 3, Струга – 3 од кои 1 починат, Кавадарци – 2, Гостивар – 1 и Битола – 1.

Утрово почина една пациентка на 66 годишна возраст од околината на Струга. Таа и нејзиниот сопруг се дијагностицирани позитивни на коронавирус во текот на вчерашниот ден. Пациентката имала срцева болест, хронична белодробна болест и покачен крвен притисок.

Според епидемилошката анкета, семејството на починатата жена непосредно пред прогласувањето на кризната состојба во Дебар (13 Март) биле на гости во Дебар и имале контакт со еден од таму заболените доктори, а по сознанието дека и тој е позитивен на коронавирус, семејството било во домашна самоизолација.

Откако се јавиле првите симптоми кај починатата, таа на 24 март закажала тестирање на коронавирус преку својот матичен лекар. Материјал за тестирање е земен на 26 март, а резултатите пристигнале во текот на вчерашниот ден.

Заради нагло влошената состојба на пациентката, матичниот лекар уште веднаш препорачал хоспитализација на Инфективното одделение во охридската болница, но до добивањето на резултатите вчера, пациентката не е примена во болница.

Заради ова, Министерството најавува целосно ревизија на случајот за да се утврди дали има лекарски пропуст во овој случај.

Во текот на вчерашниот ден направено е тестрирање на персоналот на Клинката за кардиологија, сите тестови се негативни на Ковид-19.

Поврзани вести

Вработените во гевгелиските градинки негативни на Ковид 19

Ангеловска: Придонесот на жените во економскиот раст е далеку под потенцијалот (видео)

Панел дискусијата: „Повратна, или карта во еден правец? Како земјата се справува со одливот на мозоци?

Ивана Рамаданова

Доверителите во стечајната постапка на „Секјуриком“ во обид за реорганизација на фирмата

Александар Тодески

Променливо облачно, попладне дожд, грмежи и ветер

Stefanija Kuzmanovska

Јанева: Со Бојан не разговаравме за СЈО, туку за модата и љубовта