МАКЕДОНИЈА

Пендаровски и Пахор во Охрид на показна вежба на армиските специјалци

Претседателите на Северна Македонија и на Словенија Стево Пендаровски и Борут Пахор денеска го посетија Кампот за обука на вода на Армијата на Република Северна Македонија, од каде ја следеа показната вежба на припадниците на специјалните сили на Армијата.

На вежбата на која присуствуваше и началникот на Генералштабот на армијата, генерал-потполковник Васко Ѓурчиновски, беа демонстрирани постапки што се применуваат во ситуација на заложничка криза на пловен објект. Станува збор за операција со сценарио за ослободување заложници од пловен објект со препад.

Полковник Сашо Лафчиски, началник на Одделението за специјални операција при Генералштабот на Армијата на Реублика Северна Македонија за самата вежба појасни дека се работи за демонстрација на боречки вештини и употреба на специјални тимови за решавање заложничка криза.

– Првата вежба беше демонстрација на боречки вештини, додека вториот елемент дел беше покомплексен затоа што покрај специјалните тимови во акцијата како поддршка беше вклучен хеликоптер Ми-17 од Вингот на Армијата, што помогна и при извлекувањето на дел од нуркачите. Гостите од Словенија беа задоволни од демонстрацијата на способноста на двата декларирани тимови за НАТО водени операции, рече Лафчиски.

Претходно Пендаровски и Пахор претходно беа во обиколка на Охрид, при што посетија некои од културно-историските знаменитости во Стариот дел на градот како црквата „Света Богородица Перивлепта“ со Галеријата на икони и катедралната црква „Света Софија“.

Поврзани вести

Нема потреба да прогласам нова вонредна состојба, изјави Пендаровски

Донирана опрема, добра и финансиски средства за Министерството за здравство за справување со коронавирусот

Берта Китинска

Околу 100 војници со навршени 45 години од утре на нови работни места

Влатко Зорба

Димитров: Имам големи проблеми со Меморандумот на Бугарија, навредлив е

Никола Поповски

Винилхлорид мономерот од Охис подготвен за транспорт до конечната дестинација во Германија (ФОТО)

Александар Петровски

Директорката на Инфективна: Граѓаните кои немаат симптоми да не паничат

Берта Китинска