МАКЕДОНИЈА

Пет нови смртни случаи од КОВИД-19

Во изминатото деноноќие потврдени се 53 нови случаи позитивни на Ковид-19, вкупната бројка на дијагностицирани изнесува 483 лица.

Министерството за здравство информира дека на Клиниката за инфективни болести и фебрилни состојби во Скопје починаа двајца пациенти заболени од коронавирус, жена од Лабуништа (Струга) на возраст од 71 година и маж на возраст од 77 години од Куманово кои беа хоспитализирани во исклучително тешка состојба.

Институтот за јавно здравје информира за уште два смртни случаи, жител на Велес кој почина пред неколку дена, а неговиот позитивен резултат е докажан постмортем и странски државјанин кој живеел во Скопје 4 месеци.

Министерството потсетува и дека пациентот од Куманово кој почина на 2 април на Инфективната клиника, а чиј позитивен резултат на Ковид – 19 беше потврден вчера попладне, како случај на позитивен и починат пациент, во статистиката на ИЈЗ ќе биде исто така евидентиран во денешниот извештај.

Со ова, во денешната статистика се eвидентирани 5 починати лица од Ковид-19.

Во моментов на Инфективната клиника се хоспитализирани 61 пациент, од нив 11 се на механичка вентилација.

За 24 часа регистрирани се 53 нови случаи на коронавирус во земјата. По градови: Скопје -13, Куманово -8, Штип -5, Прилеп – 2, Струга – 14, Тетово – 2, Велес – 1, Гостивар – 2 и Кочани – 6.

Во изминатото деноноќие направени се 414 тестови. Досега во земјата се направени 4.920 тестирања на Ковид-19.

Поврзани вести

Пожар во болницата „13 ноември“ во Скопје

Во Дебар и во последното деноноќие нема новозаразени со „Ковид-19“

Влатко Зорба

Спасовски од Паланка: Ќе се бориме и нема да дозволиме враќање назад

user4

Четири лица починаа, 23 нови случаи на Ковид-19 во земјава

Берта Китинска

Средба Димитров-Аврамопулос: Северна Македонија не отстапува од европскиот курс и од реформите

Се преврте патничко возило на булеварот „Кузман Јосифовски Питу“

Никола Поповски