МАКЕДОНИЈА

Поддршка за оштетените од невремето во Карпош

Во текот на целата ноќ и утринава, комуналните служби на Општина Карпош и јавните градски претпријатија работат на отстранување на последиците од вчерашното невреме, поточно силниот ветер којшто достигна јачина и до 110 km/h.

Се расчистуваат паднатите дрвја кои имаат блокирано улици, пешачки делови, како и влезови пред основни училишта и градинки.

Со цел да се санира штетата, вработените во урбаните заедници ги мапираа критичните точки, направените штети и континуирано испраќаат информации до општинските сектори и градските претпријатија.

Ги повикуваме заедниците на сопственици кои се соочија со поголеми штети (уништување на покриви или дел од покривните површини, фасади и сл.), да достават соодветно барање до Општината заради ублажување на последиците од штетите. Локалната самоуправа ќе обезбеди поддршка во рамките на своите можности и законски надлежности.Општината е во постојан контакт со Управата за хидрометеоролошки работи (УХМР). За утре, во попладневните часови, повторно се предвидува посилен ветер.Апелираме до сите граѓани, да бидат на безбедно, да водат сметка за околината и своите возила да не ги паркираат под повисоки дрвја, велат од општина Карпош.

Поврзани вести

Петровска со порака до вработените во МВР: Ќе се спротивставиме на обидите за паралелни структури

Бислимоски: Воведувањето на ефтина тарифа во време на пандемија е невозможно, компаниите да понудат плаќање на рати

Влатко Зорба

Ќе може да гласаат и со истечени патни исправи: Лицата во карантин и изолација за гласање можат да се пријават електронски

Ангеловска: Придонесот на жените во економскиот раст е далеку под потенцијалот (видео)

Филипче демантира дека над 400 млади лекари ја напуштиле земјава

„ФТ“: Брисел подготвува план за промена на процедурата за преговорите за членство во ЕУ

Stefanija Kuzmanovska