Политика

Ампева за наводните откази на текстилни работнички: Наведете извор или фирма, во спротивно не ширете паника

„Се споделуваат бомбастични наслови дека имало откази поради мерките. Наведете извор или фирма, во спротивно никому не правите услуга со дигање паника. А еве ние немаме сознанија за ниеден отказ“, сподели Претседателката на „Гласен Текстилец” – Кристина Ампева.

„Работничките да најават на писмено отсуство доколку навистина имаат потреба да останат дома, да не злоупотребуваат , испратат потребна документација до работодавач а доколку не се почитува тоа и бидат санкционирани , и Гласен Текстилец и Хелсиншки комитет ви стојат на располагање. Ама без ширење паника, на никому услуга не правите!“, посочува таа.

Претходно, извесна Весна Богова, од Адвокатската канцеларија Богова, насвојот Фејсбук профил сподели дека утрово, прв ден од спроведувањето на Владините вонредни мерки против корона вирусот, паднаа првите откази од работа т.е. принуди врз текстилните работички да потпишат спогодбен престанок на работен однос.

„Со тоа работодавците директно ја кршат Владината мерка, поточно одредбата “За да ги чуваат децата дома, платено отсуство и во државно и во приватно ќе добие по еден родител на помали од десет години“, пишува таа.

На наше прашање од каде и се информациите за наводните откази на текстилните работнички, таа не ни врати одговор.

Поврзани вести

Ахмети на 2-ри септември ќе сведочи за својата улога во ОВК

Влатко Зорба

Оптимизам меѓу амбасадорите на Италија и Полска за датум за преговори

Влатко Зорба

Зад протестите не се крие разнишувањето на власта туку позицијата на Мицкоски, вели Јовановиќ

Берта Китинска

БЕСА: Секој обид за пролонгирање на изборите оди на штета на граѓаните

Антибугарската реторика во Северна Македонија е заради претстојните избори, вели Захариева

ДОМ домаќин на следниот Совет на европските зелени

Влатко Зорба