Политика

АВМУ: Зошто Манчевски не реагира за прекршочната против МТВ поради изјава на Чулев?

„Агенцијата за аудио и аудиовизуелни медиумски услуги непријатно е изненадена од вчерашниот фејсбук-статус на министерот за информатичко општество и администрација Дамјан Манчевски дека Агенцијата е политизирана затоа што поднела прекршочни постапки против Телма и Алсат – М за прекршување на изборниот молк“, се вели во соопштението на АВМУ.

„Министерот, или не го познава Изборниот законик или вообичаено, кога е Агенцијата во прашање со сите сили се обидува да ја дискредитира нејзината работа како би ја остварил зацртаната партиска агенда. Во спротивно, би знаел дека Агенцијата не е цензор туку согласно законските надлежности кои и се дадени го следи изборното медиумско претставување и доколку констатира прекршувања, покренува прекршочни постапки.

За време на изборниот молк, медиумите, меѓу другото, не смеат да емитуваат изјави од носители на функции во органите на власта и тоа е изричито наведено во Изборниот законик. Изјава дадена во својство на министер е изјава на носител на функција во органите на власта. Воопшто не е спорно дека можат да се даваат информации во врска со состојбата со корона вирусот и активностите на здравствените власти и во време на изборен молк, но не од самиот министер.

Симптоматично е и што министерот Манчевски не смета дека Агенцијата е цензор и за Првиот програмски сервис на Македонското радио против кого исто така беше поднесена прекршочна постапка за прекршување на изборниот молк. Можеби затоа што прекршокот беше сторен со емитување изјави на министерот за внатрешни работи Наќе Чулев?

Како и досега, Агенцијата не направи разлика меѓу партиите и прекршочни постапки беа поднесени поради изјавите и на Венко Филипче и на Наќе Чулев. Во овој контест, го повикуваме Манчевски да го прочита Изборниот законик пред јавно да изнесува или да споделува мислења. Истовремено, може да ги прочита досегашните извештаи на ОБСЕ/ОДИХР, во кои редовно позитивно е оценета работата на Агенцијата или Изјавата за прелиминарни наоди и заклучоци на Специјалната мисија за проценка на изборите на ОБСЕ, во која, исто така, се нотирани повреди на изборниот молк на традиционалните медиуми“, додаваат оттаму.

Поврзани вести

Јанкович за РСЕ: Со лажни вести, Русија и Кина сакаат да ја оддалечат Северна Македонија од НАТО (ВИДЕО)

Влатко Зорба

Калеска-Ванчева: Неодговорното однесување на Мицкоски изминативе години се потврди и за време на најголемата пандемија

Берта Китинска

Заев во Прилеп: Сакаме да си ја почитуваме нашата култура, којашто е составен дел од европската

user3

Дескоска: Да се потсетиме за што протестираше денес опозицијата, што оправдуваше!

Влатко Зорба

Муцунски: Воспоставени се дополнителни услови и пречки за Македонија за отворањето на пристапните преговори за членство со ЕУ

Влатко Зорба

Тимоние за идно членство во ЕУ: Клучна е борбата против корупцијата

Влатко Зорба