Политика

Чекор поблиску до ЕУ, велат Демократскиот сојуз

Демократскиот сојуз го поздравува објавувањето на Предлог – преговарачката рамка од страна на ЕК за Македонија, со што нашата држава го направи решавачкиот исчекор за почеток на преговорите со ЕУ, кои според најавите, ќе започнат веќе кон крајот на годинава.

„Исклучително важен момент е што во Предлог – рамката повторно се користи терминот „македонски јазик“ без никакви условувања и додавки, што претставува промоција на македонскиот како иден официјален јазик на Унијата“, велат од ДС.

И покрај задоволството од документот на ЕК, Демократскиот сојуз предупредува дека новата методологија предвидена во Предлог – рамката, подразбира мошне ригорозна контрола врз неопходните реформи, како и механизми за прекинување на преговорите со ЕУ доколку не се покажат очекуваните резултати.

Тоа, како што додаваат од Демократскиот сојуз, значи дека македонските власти ќе мораат максимално ангажирано и искрено да се посветат на преговорите, особено ако се знае дека тие ќе започнат со отворањето на поглавјата кои се однесуваат на исклучително болни точки во државата – реформи во јавната администрација, демократските институции и јавните набавки.

Поврзани вести

Муслиу: Не верувам дека опозицијата ќе ги бојкотира изборите на 5-ти јули

Дескоска на конференција за несоодветно постапување на полицијата во вршењето на службата

Влатко Зорба

Анкета: Мнозинството граѓани сметаат дека Заев би бил подобар премиер од Мицкоски

Влатко Зорба

ГДУ: Помалку часови, помали паралелки и специјализирана настава според потребите на младите таленти

Конве-Муре: Северна Македонија не е доволно позната и поради тоа е подложна на клишеа

Влатко Зорба

Филипче: Реформите во здравството сериозно придонесоа за поквалитетeн живот на пациентите (ВИДЕО)

Влатко Зорба