Политика

Дачиќ за барањето за признавање на МПЦ: Очекуваме Вселенскиот патријарх да биде против

Српскиот министер за надворешни работи Ивица Дачиќ изјави денеска, по повод барањето на претседателот на Северна Македонија Стево Пендаровски до Вселенскиот патријарх Вартоломеј да ја признае Македонската православна црква (МПЦ), дека постои начин да се разговара за тоа и оти „попречните патишта“ не придонесуваат за добрите односи меѓу двете земји.

Како што јави допсникот на МИА од Белград, Дачиќ потсети дека неколку пати зборувал за тоа дека е можно да се разговара за односите меѓу двете земји, но дека не е можно да се зборува на државно ниво за областа на религијата и црковните заедници кои имаат свои правила.

-Ние сакаме да биде постигнат договор, но сигурно мора да ги почитуваме правилата на Православната црква, а исто така очекуваме и од Васеленскиот патријарх да биде на таа страна, како што се изјасни против создавањето на т.н. Црногорска православна црква, изјави Дачиќ, одговарајќи на прашања на новинарите во Белград.

Провладините „Вечерни новости“ со наслов „Удар на СПЦ од Скопје: провокација наместо дијалог“, пишува дека барањето упатено до седиштето на Вселенската патријаршија во Истанбул „е нова иницијатива на Скопје надвор од древните правила во православието за постигнување независност на својата црква, која од нејзиното основање во 50-тите години од минатиот век работи како расколничка организација“.

-Во оваа жива дипломатија меѓу Скопје и Фанар, оние кои се запознати со глобалните православни трендови ја препознаваат намерата на Северна Македонија да го искористи конфликтот меѓу Цариградската и Московската патријаршија за украинското црковно прашање и во атмосфера на меѓуправославни тензии да постигне црковна независност. Сепак, Руската црква повеќепати го повтори својот принципиелен став дека прашањето за стекнување независност на црквите мора да се реши само според канони, што во овој случај значи – со учество на Српската православна црква. За СПЦ и целиот православен свет единствена канонска црква во Северна Македонија е автономната ПОА, предводена од архиепископот Јован (Вранишковски)“, пишуваат Новости.

Поврзани вести

Заев: Наместо причините за поразот да ги бара во СДСМ, Мицкоски треба да се погледне во огледало

Влатко Зорба

Ѓорчев на годишната конференција на Конзервативната партија на Велика Британија

Влатко Зорба

Прес-конференција на премиерот Заев и министерката за финансии Ангеловска (ВО ЖИВО)

Влатко Зорба

Шаленберг: Сакаме да се запали зелено светло за преговорите со Албанија и Северна Македонија

user3

Бишевац: Не сум убеден дека Заев собрал 61 пратеник

Никола Поповски

Народен правобранител: Училиштата не смеат да наплаќаат за издавање сведителства

Влатко Зорба