Политика

Демократскиот сојуз: Со верификацијата на мандатот на новоизбраните пратеници Парламентот е конституиран

Од Демократскиот сојуз сметаат дека со верификацијата на мандатот на новоизбраните пратеници Парламентот е конституиран.

„На 4 август 2020 година се одржа конститутивната седница на Собранието на Република Северна Македонија, на која согласно Член 63 од Уставот на РСМ, се верифицираше мандатот на 120-те новоизбрани пратеници, а мандатот на дотогашните пратеници им престана. Од тој момент Парламентот е конституиран, тој е во постојано заседание и може во секој момент да се свика седница, да расправа и полноправно да одлучува, велат од партијата.

Оттаму додаваат дека тоа се уставни и деловнички решенија и дека  претседавачот на Парламентот има обврска за конституирањето на Парламентот да го информира Претседателот и одлуката за конституирање на Парламентот да ја објави во „Службен Весник“ на РСМ.

„Од 5 август 2020 година тече десетдневниот период за Претседателот Стево Пендаровски да го даде мандатот за состав на Влада на кандидат на партијата односно партиите кои имаат мнозинство во Парламентот.

Оттаму, непотребни се дилемите околу тоа, дали е конституиран Парламентот, пред да се избере негов Претседател. Изборот на Претседател и Потпретседатели на Парламентот не случајно е дефиниран во друг член (Член 66) од Уставот.

Актуелниот претседавач треба да постапува согласно Уставот и Деловникот на Собранието на Република Северна Македонија, а партиските надмудрувања и преговори

за тоа кој ќе биде прв помеѓу еднаквите во Парламентот не може да бидат причина за блокада и суспензија на Законодавниот дом“, велат од Демократскиот сојуз.

Поврзани вести

Алијанса за Албанците утре ќе организира марш: Со последните избори сериозно беше оштетена демократијата

Груби: Ахмети ја смисли кампањата за премиер Албанец во 2009 година

Мицкоски очекува чиста дата за отпочнување на преговори со ЕУ (ВИДЕО)

Влатко Зорба

Заев: Донесувањето на законот за ЈО е обврска на сите нас пред граѓаните

Никола Поповски

СДСМ: Кога нашата држава се соочува со најголемата здравствена криза, не е време на политикантство

Берта Китинска

ЗНМ со осуда за заканите на Јакимовски кон новинарот Чомовски

Влатко Зорба