Политика

Левица: Мораториум на отпуштања на работници за време на кризата

Партијата Левица соопшти дека секојдневно добива анонимни пријави за манипулирање и кршење на работничките права, како и зачестени масовни отпуштања поради новонастанатата криза. Најновата пријава, според партијата, е за 60 отпуштени работници од фирмата „Казино Меркур“ од Гостивар поради неможност да продолжи истата со работа.

„Иако законски овие работници имаат право да добијат испратнина од страна на компанијата, тие сѐ уште го немаат добиено законскиот надоместок кој им следува. Согласно информациите кои што ги добивме од работниците, оваа фирма постапувала на нечовечен начин кон овие 60 работници, при што неколку пати самите пријавувале нерегуларности во Државниот Инспекторат за Труд во однос на неисплаќање на регрес, недобивање на законски предвиден број на денови од годишен одмор, правилна наплата на дневници при работа во смени и слично. Левица случајот го проследи до Државниот трудов инспекторат и истовремено повикуваме на ИТЕН мораториум на сите отпуштања за време на настанатата криза“, се вели во соопштението на партијата.

Егзистенцијата на голем број граѓани е директно загрозена и недозволиво е пролонгирањето на усвојувањето Уредби од страна на Владата, сметаат оттаму.

Тие бараат во најбрз можен рок Владата да усвои мерки со кои ќе ги заштити работниците кои го изгубиле своето работно место.

„Како една од мерките која Левица ја предлага е обештетување на работниците кои го изгубиле своето работно место во износ на минималната плата, и тоа во најбрз можен рок“, се додава во соопштението.

Поврзани вести

Заев: Северна Македонија се менува кон подобро – овде може да се живее добро (ВИДЕО)

Влатко Зорба

Собраниска седница за усогласувањето на старосната пензија

user3

Здравев: Во оваа фаза од постапката не може да се повлече кандидатурата за член на Судскиот совет

Влатко Зорба

По анкетата на МЦМС: За власта потврда на добрите политики, за опозицијата мотивирање на членството пред избори

Влатко Зорба

Шекеринска: Ниту еден војник со навршени 45 години нема да биде оставен на цедило

Влатко Зорба

Димитриев: Техничката влада не е нешто на кое треба да се гордееме

Stefanija Kuzmanovska